Jamita Renungan Yakobus 1 : 12 – 18

 

“Jamita Yakobus 1 : 12 – 18”

Penulis : Yakobus “anggi ni Tuhan Jesus” kisah para rasul 13 : 23

Di surathon si jakkobus surat on ima na tinujuhonna tu 12 marga na di pangarantoan (1;1) ima di tikki I na pas marsitaonon do huria I, godang na masa angka parungkilon di tonga tonga na sida ima na ro sian kumpulan nasida sandiri jala sian par ugamo na asing.

Tu hita saluhutna dongan sahaporseaon, saleleng mangolu hita di portibi on ndang adong hita na malua sian na nidokna ima angka Parungkilan, arsak ni roha, lumobi ma ganggu ni roha lao mandalani ngolutta siganup ari, nang songoni na pasikkolahon angka Ianakhonta. Alani do amang inang di tikki on hu buat do pangarimpunan ni jamitatta sadari on, ima na mamodahon tu hita asa “MARBENGET NI ROHA MA HITA DI SALAUHUT SITAONON I”

1.     Songon dia do Halak na marbenget ni roha i ?

Na jolo, bahkan sahat tu saonari olo do masa di angka luatta be, manang na di tonga tonga ni keluargatta dibaen goar ni angka gelleng na ima na margoar Si Benget. Sasintongna boasa ingkon pola songoni ?. alana torop do hita on marpangkirimon dung ampe goar i, gabe lam bengetma Ianakhon i, lam benget sude angka parnijabuna be nang songoni lam benget hasadaon ni roha di tonga tonga ni keluarga i. artina holan sian goar I nungga gabe tau pangkirimon na denggan. Alani di bagian na Parjolo nakkin di dok songon dia di halak na marbenget ni roha. Molo didok benget, on ma sasintong na nanaeng dohonon ima halak na nunut, sabar, marposniroha, jala molo didok benget namarlapatan doi, diulahon ulaon na i, ndang holan hata. Alani do amang inang, di namandalani ngolutta siganup ari on hita sada Proses do on ima na maimaima hita di harro ni Kristus i na paduahalihon tu portibion, molo didok paimahon na pastina ikkon do benget, sabar paimahon jala tongtong managam.

        Taringot tu parungkilon, arsak ni roha, unang lilu hita amang inang, jala unang olo hita mandok na sian Debata ro pangunjunan i, jala tadok nga di unjuni Debata hita. Sasintongna molo tadok songoni namardosa do hita on. Ai ndang hea di unjuni manang na di Cobai Debata Hita. Boi tajaha di Yakobus 1 : 13. Na marlapatan doi amang inang di tanda Debata do hita ganup, jala di boto do songon dia kesanggupanta, kemampuanta, pos ni rohanta. Artina ndang mungkin cobaon ni Debata hitaon amg inang, ai di tanda di hita. Alai molo pe masa angka arsak ni roha, sitaonon parungkilon sian dirinta sandiri doi amang inang, di tingki na gale hita di haporseaon ta disi ma mangula sibolis I, laos di jujui hita mardosa, di tingki ro angka sitaonon I laos di baen hita ndang marposniroha. Ido umbahen na tabereng Kisah Ayub ima na di cobai sibolis marhite Ijin ni Debata. Marhite cerita on adong sada sidohonon, si ayub on benget do ibana manaon sitaonon nai, sabar do ibana lao mangadopi angka na masa I, jala tongtong marposniroha tu Tuhan I nang pe nga di dok dongan nai asa di tinggalhon Debata nai. Alani amang inang molo ro angka sitaonon arsak ni roha, parungkilon, unang gabe mandao hita amang inang sian Debata. Alai ingot hamu martangiang, ingot hamu manjou goar ni Debata, asa di pargogoi, di urupi jala di togu togu hita manaon di angka sitaonon i.

Asa ido amang inang marhite jamitaon pe di podahon do tu hita, ia molo ro angka sitaonon na balga, masa angka parsahiton tu hita manang angka tu sisolhotta, aluhon hamu tu Tuhantai, unang gabe taboan tu datu, unang alani angka sitaonon I gae mangulahon angka sangkap na parohon dosa hita songon na didokna di ayat (15). Alani amang inang, naeng ma nian molo ro angka parungkilon angka sitaonon, balga manang gelleng sitaonon I, dok hamu ma pargogoi au Tuhan dongani au Tuhan. Pos rohatta urupion ni Debata do hita.

2.     Asa Dapotan Tua Hita

Molo ta jaha do di ayat 12 i, patar do didok disi amang inang martua ma angka na manaon di pangunjunan I, martua ma angka na benget manaon angka parungkilon i. alani amang inang asa talup angka denggan basa ni Debata, asa martua hita, asa tarpasu pasu hita. Jala asa salpu ma angka arsak ni roha I gabe angka las ni roha. Marbenget ni roha ma hita amang inang saleleng mangolu hita di tano on Amen.