Khotbah
Epistel
Nats
: Markus 16 : 9 – 18
“DIPAHEHE DEBATA DO ANGKA NAUNG MATE”
I.
PATUJOLO
Hata ni Debata
marhite turpak on paingothon hita taringot tu tugas dohot panjoun ni Debata di
ganup hita (AM), angka na porsea. Haluaon ndang di lehon holan tu sahalak
jolma, alai tu ganup angka na di portibi on, alani ndang holan jolma na marlas ni
roha jala na manghilala di haluaon marhite Tuhan Jesus Kristus, haluaon i diomo
portibi on dohot ganup pangisina. Alani do Jesus pajongjonghon angka parbarita
jala manuru asa borhat nasida marbarita nauli tu sandok na marhosa.
Molo tabereng do
di na 4 Injil, ganup surat i manurathon taringot tu pengutusan.
Matius: mambahen
ganup bangso gabe murid ni Jesus marhite pandidion dohot pangajarion laho
mangulahon lomo ni roha ni Debata (Mat. 28:19-20), Yohanes, mangajarhon
tairngot tu parmahanion, mamparmahani angka biru biru ni Debata (Yoh. 21:15-19),
Lukas: gabe saksi ni Jesus Kristus dimulai ma i sian Jerusalem, Yudea, Samaria
sahat tu ujung ni portibi on (Kis.1:8) jala marhite injil Markus di tekanhon bahwa
injil tu ganup angka na marhosa (16:15). Kitab Matius, markus, Lukas dohot Yohanes
mangajarhon bahwa tugas ni ganup angka na porsea ima mamaritahon taringot tu
misi ni Debata di portibi on.
Marhite turpuk on,
di lehon tu hita tugas laho mamaritahon haluaon “Injil” tu ganup jolma. On ma poda
ni Tuhan Jesus tu ganup angka na porsea na tinorushon na sian tugas ni angka
parbarita nauli. Ganup angka na porsea adong do tugas dohot tanggung jawabna
laho mamaritahon asi ni roha ni Debata marhite Jesus Kristus. Nunga di lehon be
tu hita haluaon i marhite hamamate dohot hahehon ni Jesus Kristus. Haluoan i di
lehon tu sandok bangso, jala ndang holan tu ganup angka jolma alai dohot do tu
sude angka nasa na marhosa. Pangajarion on, mandok Ia haluaon i menyeluruh. Ndang
boi holan sada horong na lebih berhak mengklaim dirina manang na horongna dipalua.
Di ganup angka jolma haluaon i adong holan di angka na porsea jala naung
manjalo tanda “Materai” marhite pandidion na badia (Markus 16:16).
II.
HATORANGAN NI TURPUK
1. Yesus
Pahothon angka siseanNa marhite Penampakan.
Dung hehe Jesus,
na parjolo sahali diulahon Ibana menurut Injil Markus, dipataridahon Ibana do diriNa.
Dipataridahon Jesus do diriNa tu si Maria Magdalena, Jala di baritahon si Maria
Magdalena do taringot tu Jesus, alai ndang porsea angka sisean i. Dung i di
pataridahon Jesus muse diriNa tu dua halak murid. Jala di baritahon siseanNai
do na ni ida nai, alai ndang porsea angka siseanNai, dung i di pataridahon
Jesus ma dirina tu angka siseanNai, ujungna porsea ma nasida.
Di turpuk on, adong
do hubungan ni penampakan ni Jesus tu na patoguhon haporseaon di ganup angka na
porsea. Peristiwa Yesus pataridahon diriNa tu angka murid muridNa gabe patoguhon
haporseaon nasida na hurang posea. Sasintongna di antusi nasida do taringot tu
Jesus alai hurang porsea nasida. Penampakan ni Jesus gabe sada hal na ringkot
do i laho pahothon haporseaon na otik gabe haporseaon na togu, na hurang tangkas
gabe tankas, jala na mabiar gabe barani. Yesus pataridahon diriNa tu angka
siseanNa gabe dalan ni Debata laho pahothon panjouonNa di angka siseanNai.
Asing ni tanoman
ni Jesus na kosong i, penampakan Yesus gabe bukti hasintongan bahwa na sintong
do Jesus hehe sian hamatean i songon naung nidokNa hian tu angka siseanNai.
Penampakan ni Jesus gabe paingothon jala patigorhon pargabuson ni angka halak
Farisi na mandok dang sintong Jesus hehe, marhite na di suap nasida angka
panjaga na di tanoman i asa mamaritahon angka na sala.
Marhite naung
jongjong Jesus di tonga tonga ni angka sisean dohot angka natorop, pabotohon na
sintong do Jesus hehe jala gabe pahothon haporseaon ni angka sisean songoni
nang angka natorop. Yesus Kristus hehe songon naung nidokNa tu angka siseanNai.
2. Taat
kepada pengutusan Kristus
Dung pajumpa Jesus
dohot angka siseanNai jala dipahot haporsesaon nasida. Di suru Jesus do nasida
asa borhat laho mamaritahon taringot tu Jesus ima na nidokna Amanat Agung,
Mamaritahon haluaon.
Tugas pengutusan
manang na mamaritahon barita nauli dang holan tugas ni angka na manjalo tohonan
i (Ordinasi), alai “Vocato Dei” (panjouon ni Debata) tu ganup angka na porsea
tanpa terkecuali. Memang adong do Vocatio Special “panggilan Khusus tu angka na
manjalo tahbisan manang na ordinasi” alai adong do Vocatio Generalis (panjouon
secara umum) pamaritaon barita nauli di ganup angka na porsea marhite pangalaho
dohot pambahenan na denggan, gabe sitiruon maradophon dongan. Jhon Calvin
mandok “Panggilan Am” ganup angka na porsea marhite “Wordly Ascetism” (beraskese
di dunia). Molo ganup angka biarawan beraskese di seminari mengkhusushon diri
di angka pelayanan, alani ganup angka na porsea pe ingkon do melayani marhite
angka parkarejoan dohot gabe tau tiruon di angka pardalanan ni ngolu na
pataridahon sondang ni Debata. Ndang umbadia sahalak parjamita sian sahalak
petugas kebersihan di joro ni Debata, alai ganup halak tarjou do asa
pataridahon sondang ni Debata marhite angka ulaon na ganup. Vocatio Generalis
on di dok si petrus do “Imamat Am” di ganup angka na porsea “1 Petrus 2:9”TB .
Alai marga na pinillit do hamu, hamalimon na raja, bangso na badia, houm na
ginomgomanNa, asa tung di baritahon hamu denggan ni haroahon ni Ibana, naung
manjou hamu sian na holom tu hatiuronNa halongangan i.
Hata ni Debata
paboahon haluaon ia ganup angka na porsea jala tardidi dapotan haluaon do.
Markus 16:16 “Na porsea jala tarididi, dapotan haluaon, alai naso porsea i, hona
uhum do”. On do tugas na ni lehon ni Debata tu ganup angka na porsea. Haluaon
ingkon do sahat tu ganup angka jolma, marhite na manjadihon ganup angka jolma
gabe biru biru ni Debata (Markus 28:19-29).
3. Injil
: Hal hidup segala makhluk
Hal na paling
spesifik na pinasahat ni penginjil markus ima na paboahon bahwa Haluan i tu
ganup angka na marhosa do. Marhite tugas on, ganup angka jolma ingkon do
menyadari hubunganna dohot angka makhuk ciptaan na asing. Makhluk hidup ndang
holan kepentingan ni jolma sambaing, alani ganup angka jolma ingkhon do
parsidohot manjaga kelangsungan hidup ni nasa na mangolu.
Mamaritahon barita
nauli tu sandok na mangolu, hak perlindungan dohot pangaramotion nang
pardalanan ni ngolu ni sandok nasa na marhosa. Alani Gereja ingkon do jongjong
laho dongan ni sandok angka na marhosa. Ganup jolma ingkon do menyadari bahwa
makhluk hidup na asing berhak do laho manjalo ngolu na denggan, marhite naso
parsidohot hita manegai Ekspolitasi alam alani kepentingan ni jolma sambing.
Hata ni Debata na paingothon
tu sandok jolma toho ma i na gabe aturan ni Debata laho menjamin hak dohot
kelangsungan hidup ni angka suan suanan, dorbia, dohot ekosistem alam. Suan suanan
nang angka dorbia ingkon do manjalo hasonangon asa unang gabe mago. Molo saleleng
on hita menganggap bahwa manghaholongi sae holan tu donganta jolma, kitab
Markus mangajari hita (Mark. 16:15) ganup angka jolma ingkon manuanhon rasa
persaudaraan dohot sandok ciptaan ni Debata. Pola pikir ni ganup angka jolma di
gali marhite mandat ilahi dohot kesegambaran Allah, alani i marhite missi on, tasadari
ma bahwa ganup hita jolma termasuk do sada sian ciptaan ni Debata. Sarupa do
jolam dohot angka ciptaan na asing taringot tu haluaon. Di haluaoan : suan suanan, binatang, dohot angka ciptaan na asing berhak do
mangomo di kelangsungan hidup na denggan. Angka pemikiran sisongon on, ringkot
do asa di kembanghon laho mengktritisi angka tafsiran na mandatoris taringot tu
hak pengelolaan ni ganup angka jolma di alam.
Songoni ma nang angka
pangisi ni portibi on ingkon do di ramothon dohot di lestarihon. Hak hidup di
sude angka na marhosa ringkot do jala sude angka na jinadihon ni Debata patut
do marlas ni roha jala pasangaphon Debata. Mazmur 150:6 “Sude na marhosa ingkon
mamuji Jahowa”.
4. Melaksanakan
Misi Agung dengan diperlengkapi dengan berbagai karunia.
Murid murid di
pillit jala di ajari Yesus nang di perlengkapi marhite huaso nang tanda. Ganup nasida
marhuaso laho pamalumhon, patupahon mujizat dohot palaohon sibolis (Mark.16:17-18).
Di udut na i muse
di dok si apostel Paulus do bahwa ndang holan angka Rasul na di perlengkapi
Debata, alai ganup angka na porsea di perlengkapi do marhite huaso nang godang
ni parnotoan di angka ulaon. Silehon lehon ni Debata ima : Keahlian, Bakat, Talenta,
dohot keterampilan. Ganup angka silehon lehon ni Debata, ta pangke ma i laho
mamaritahon asi n iroha ni Debata (1. Kor 12:7-11).
III.
PANGARIMPUNAN
Di angka na masa nuaeng, ganup angka silehon lehon ni Debata,
kemampuan, dohot SDM na adong di hita sian asi ni roha ni Debata do i di lehon
tu hita, alani tama ma tapakke i laho dalanta mamaritahon holong ni Debata di
hita ganup angka jolma. Ganup angka na porsea ndang boi maradi jala merasa puas
di dirina sandiri, gabe sijalo barita nauli i. Alani i, marhite pesta paskah on,
ganup hita di suru asa tongotong hobas hita laho mamaritahon barita nauli, nang
mangajari asa ganup angka jolam manjangkhon Jesus Kristus sipalua i.
Angka dongan na hinaholongan, selamat paskah ma di
hita saluhutna, Haheheon ni Kristus Jesus patoguhon haporseaon ta tu haluaon na
pinatupa ni Jesus Kristus. Pandidion nabadia naung tajalo i gabe sakramen ima
na mangalehon asi ni roha ni Debata dibagasan haporseaon. Haporseaon i ingkon
do ramotanta marhite parsaoran na denggan dohot ganup angka na porsea.
Haheheon ni Kristus Jesus paingothon hita, taringot tu
misi agung, mamaritahon Barita nauli, parohon angka tanda tanda harajaon ni
Debata dohot angka holong ni rohanta marhite sikap na menghargai hak hidup ni
sude makhluk hidup.
Angka dongan na hinaholongan, Debata ma na mangaramoti
hita dibagasan pasu pasu na marlipat ganda di ngolunta ganup. Amen !
Pdt. Jefron Lumban Batu, M.Si. Teol. (GKPI
Resort Batam)
