Evanggelim Lukas 24 : 44 – 53
Pengantar :
Hita dongan sahaporseaon di bagasan Jesus Kristus, nuang marlas ni roha do hita ima di ari pesta na badia di ari sadari on di namarningot hita di ari hananaek ni Jesus Kristus i. Dung hehe Jesus Kristus I sian hamatean di pataridahon Ibana do dirina tu angka sisean i, jala di udutnai di patolhas Jesus ido na ingkon manaek Ibana tu banua ginjang. Jala ido na tapestahon di ari sadari on, alani marhite parsaoran na badia on ingkon antusanta ia manaek pe Jesus Kristus i tu banua ginjang tong do mian Ibana di ganup hita marhite Tondi Porbadia i, ima naung di solukkon tu hita ganup angka na porsea di Ibana. Alani songon dia do naeng patupaonta di ngolunta siganup ari? Sadari on di podahon Debata do tu hita asa :
Thema : TAPUJI JALA TASOMBA MA DEBATA
1. Ala naung manaek Jesus Kristus i tu banua Ginjang
Tu hita saluhutna dongan sahaporseaon di bagasan Jesus Kristus, barita taringot tu hadirion ni Jesus Kristus mansai jotjot do dang siat tu roha ni ganup angka jolma naso porsea. Sian barita hasosorang ni Jesus Kristus i sahat tu hamamatenai laos sahat tu haheheon nang songoni sahat tu hananaek ni Jesus Kristus i, torop do jolma na mangkatindangkon ndang mungkin Jesus Kristus manaek tu banua ginjang tanpa alat pembantu istilahna songon namasa tu si Elia na manaik ibana tu banua ginjang marhite haba haba di tingki na ro hureta sian banua ginjang(2 Raja 2:11). Marhite angka namasa i boi do dohonon dang siat tu roha ni jolma angka namasa taringot tu Jesus Kristus i, jala dang tolap pikkiran ta lao manulikkiti taringot tu huaso ni Jesus Kristus. “Molo so sintong panandaion ta taringot tu Jesus laos ondo na mambahen hita keliru bahkan gabe sesat”. Ido asa di tingki on torop angka aliran aliran Ginostik ima angka aliran na mangasahon pingkiran nang perasaan sambing. Modalisme dohot Monarkianisme ima sada pangajarion naso tingkos manghatindangkon taringot tu hadirion ni Jesus Kristus, ndang siat tu roha nasida taringot tu hasintongan ima panindangion na sintong taringot tu hasitolusadaon ni Debata, ai di hatindanghon nasida do bahwa marhuaso pe Jesus i ala naung di jalo do pandidion na badia i sehingga marhuaso Ibana laho patupahon angka muzizat, sungguh itu adalah kesesatan Sebab Bukan Baptisan yang menjadikan Kristus berkuasa. Jala di tingki on molo tabereng do angka na masa, adong do sada hal na baru nuaeng na muncul di berita sosmed bahwa nungga adong na manghatindanghon siboan jolma tu surgo, ima na masa di sekitaran dolok sanggul. Nunga pajongjonghon pamplet nasida jala nunga beredar be angka vidio namasai di berbagai media sosial, youtube nang songoni di angka berita FB na manghatindagkon nasida do siboan jolma tu surgo i. Sada kesesatan do on na meniadahon asi ni roha ni Debata, jala on ma angka naso tingkos manghatindangkhon sintong taringot tu Jesus Kristus, ia taomo pe surgo i holan sada do dalanna ima marhite asi ni roha di angka na porsea di hamamate ni Jesus Kristus, haheheon laos hananek ni Jesus Kristus tu banua ginjang. Ido sada las ni roha na tapestahon di ari sadari on. Alani tu hita saluhutna ingkon do antus jala tangkas panandaion ta di Jesus Kristus i, ia Jesus i sintong do hadirion nai ima Debata Ama, Anak, dohot Tondi Porbadia (Tritunggal). Jadi ndang pola porlu sungkunonta pangke aha Jesus i manaek jala songon dia carana laho manaek tu banua ginjang i. Alai ala sada do Jesus i dohot Debata ido asa ganup boi tupa angka naung sinurirangkon i hian, ingkon do tahaporseai na nidok na i jala tahatindangkhon, ia Jesus Kristus i ingkon manaon na porsuk jala hehe sian na mate jala ingkon manaek tu banua ginjang(Yoh.24:36).
Di hita dongan sahaporseaon, molo tabereng di turpuk on di na laho manaek Jesus Kristus i tu banua ginjang, dipodai do angka sisean na i asa di hatindangkhon nasida(48) taringot tu huaso ni Jesus i tu ganup jolma bahwa sintong do Jesus i manaek tu banua ginjang, sada tanda do on bahwa ingkon masa do ro angka jolma na memutar balikkan Fakta lumobi ma na mangajarhon naso sintong taringot tu Jesus. Alani hita pe saluhutna di pesta parningotan di hari hananaek sadari on, sada las ni roha do di hita ganup on ima na pabotohon ia manaek pe Jesus Kristus i tu banua ginjang lao pasingkophon sude angka naung tarsurat ido Ibana jala laho paradehon inganan di hita saluhut angka na porsea na olo paubahon roha jala manolsoli di angka dosa. Jala tarida do asi ni roha ni Jesus Kristus i di hita ai ndang di loas hita so marama so marina, ido umbahen di lehon Tondi Porbadia i(Yoh.14:16-17). Jala di solukkon Debata do dihita tondi hagogoon asa hita pe ingkon barani manghatindanghon Jesus i, ia tondi hagogoon i disolukkon do i tu hita di tingki na ta jalo pandidion na badia i, di lehon do tu hita tondi na imbaru ima na paimbaruhon hita sian dosa hamatean i. Jala di naung sintong hita marhaporseaon, marhuaso do tondi i laho mangajari dohot manghatindahon taringot tu hadirion ni Jesus si lehon haluaon i tu hita. Alani tapaido ma gogo sian Debata asa di pargogi jala di togu togu hita laho manghatindanghon barita las ni roha i. Laos sian on ma botoon ndang na ingkon mamboan Alkitab siganup ari asa na manghatindangkon Jesus Kristus alai sian pamereng, pangkataion, pangalaho rodi pambahenan ido na patandahon hita ma na mian di bagasan Kristus hita ma sitindangi Kristus di portibi on.
2. Laho paradehon Inganan di hita.
Di hita saluhutna, di masa nuaeng on, jot jot do tabege molo naeng masuk karejo na gelleng laos karejo na balga na terkenal sekalipun, nuaeng on ingkon nama pake Ordal “Orang dalam” apalagi ma di daerah batam on. Laos songoni do tu hita sude angka na mangkirim naeng masuk tu surgo hasonangan i holan orang dalam na sian surgo i do na boi membela hita, ima Jesus Kristus pardisurgoi. Artina marhite naung manaek Jesus Kristus tu banua ginjang i, ondo sada las ni roha di hita bahwa adong do na membela hita laho masuk tu harajaon nai molo sintong do hita mian di bagasan Jesus Kristus(Yoh.3:18).
Di turpuk jamita on di podahon Jesus i do bahwa holan ganup angka jolma na marhamubaon ni roha do (Bertobat) na tuk manjalo asi ni roha ni Debata, ai tangkas do di dok Jesus i marhite hamubaon ni roha dapot hasesaan ni dosa, holan di angka na manolsoli dosa do na olo paubahon roha, artinya suatu kepastian bahwa pertobatan bukanlah pekerjaan kita sendiri atau karna kekuatan kita tetapi Roh Kuduslah yang bekerja dalam diri kita sehingga kita merasa hina di hadapan Allah karna dosa dan Rohlah yang mendorong kita sehingga kita menyesal. Ido asa dihatindagkon Dr. Martin Luther “Ai di bagasan panolsolion ni dosa i do, dapot hasesaan ni dosa jala di balik ni hasesaan ni dosa i dapot hita ma las ni roha ima keselamatan manang na haluan ni tondi ta. Alani sude ma hita marlasni roha di namanaek Jesus tu banua ginjang, ai nunga diparade di hita inganan hasonangan i. Alani saleleng paimahon pangalap ni Jesus i dope hita, sude ma hita manghatindahon na sintong taringot tu Jesus Kristus. Jala ingkon ta ingot do holan angka naung mian di bagasan tondi na sian Debata ido na barani manghatindangkon i, i ma angka na mian di bagasan las ni roha nang angka ende puji pujian tu Debata.
Alani di ari pesta na balga situtu on, naeng nian sude hita marlas ni roha, sude hita marsomba holan tu Debata sambing, jala sonang ma rohanta molo ro hita tu bagas joro on, ai ganup angka na ro tu bagas joro ni Debata marhite angka parsaoran na badai, na pajumpa do hita dohot Debata ai patar do tajalo hasesaan ni dosanta, jala tajalo do hata_Na nabadia i na pahothon parpadananta dohot Debata.
Dipasu pasu jala di pargogoi Tuhan Debata ma hita saluhutna. Amen
Pdt. Ardianus Situmorang S.Th
GKLI Batam 08/Mei/2024
