Point-point
Khotbah 15 Juni 2025
(Johanes
8 : 48-59)
Patujolo;
Di
zaman modern nuaeng nunga be nirasa ganup hita nampuna media social. Akka aha
mai, isara na facebook, Instagram manang tiktok sahali pe. Dang holan akka
naposo be namamakke sisongoni nunga be dohot akka natuatua aktif bahkan lancar
marmedia social.
Na naing dohonon, ragam jala naing sude nama ulaon ni
akka hita jolma diposting di medsos I, dang holan akka ulaon silasni roha,
bahkan parbolatan nang akka parsalisian pe dang mabiar jala maila be akka
donganta jolma patuduhon i disi. Contohna dihita diakka parhuriaon, pola do
nunga godang idaonta akka parsalisian manang parbadaan ditonga tonga ni gareja,
holan alani naso sada roha gabe tubu ma bada. Na didia bagas I bagas pangalapan
silas ni roha gabe ramun holan alani naso marsada ni roha.
Ido tong na masa dibagasan turpuk on, nian songgot do
roha boi marsalisi di bagas joro ternyata nunga masa hape i mulai sian najolo
targombar mai songon diturpuk na tajaha ditikkion. Pola do marsoal Jesus
Kristus dohot malim di tikki I, ima marboccir jala marbikkas dinaso porsea
nasida di barita pangajaran na pinasahat ni Jesus Kristus.
Barita aha mai, di ayat 51 didok do, “Tutu situtu do
na hudokkon on tu hamu; molo adong na mangaradoti hatangki, dang idaon ni i
hamatean na saleleng ni leleng na”. Pittor tarrimas ma nasida umbege hataon
siala didok Yesus naso jadi mate diakka jolma namangaradoti hatana. Gari si
Abraham ama ni na porsea jala sahalak panurirang na bolon na pinillit ni Debata dang didok sogoni
bahkan mate do ibana jala dang manontong ngoluna, lan ma ho, ai naumbalga doho
diroham sian amanami si Abraham naung mate i? (53) ima alus ni halak Jahudi.
Dang holan I bahkan ro halak Jahudi mandok Jesus na
halak Samaria jala nanunga sibolison. On ma salah satu bentuk makian na
nihatahon ni nasida tu Jesus Kristus. Halak Samaria lapatanna ima “bangso
buangan jala parugamo na asing” dang holan I bahkan didok dope Yesus na
sibolison siala dang menghormati si Abraham panurirang ni Debata.
Dungi dialusi Yesus ma dohot tegas, Ise naso
mangaradoti hatakkon na targombar mai naso porsea diadopan ni Debata. Jala na
pantun huhut mangulahonsa jumpangna ma hangoluan na saleleng ni lelengna. Ondol
dipatorang Jesus tu halak Jahudi bahwasana so tubu dope si Abraham nunga adong
Jesus Kristus(58)
Naing gomos botoon ni nasida ai Jesus do andul umbalga
sian si Abrahan nang saluhut panurirang ni Debata di padan na robi, siala holan
baga-baga(nubuat) do napinasahat ni nasida, alai anggo haluaon I holan marhite
Jesus Kristus sambaing do.
Dung umbege hatorangan lam tamba tarimas naasida songon
di ayat 59 didok do, “Dungi dihindat nasida ma batu laho maninganghon tu ibana,
alai buni ma Jesus laho sian bagas joroi.
Marhite turpuk on, adong do piga piga hal na boi ringkot
idaonta
1. Unang
ma nian hita gabe songon halak Jahudi nangking. Boasa mai, molo taida ganup ari
do diihuthon nasida pangajarion ni Jesus i alai dang na martujuan asa porsea
nasida holan lao manjehehon do rohaninasida. Gombaran doon dihita, molo tadok
do diritta halak Kristen alai dang porsea hita di ibana na sarupa ma hita dohot
halk Jahudi nangking
2. Tangkas
do dipodahon Jesus di ayat 51’ molo
adong namangaradoti hatangki dang idaonna hamatean salelenglelengna. Boasa pola
ikkon menghindar hita sian hamatean? Ai siala ido uhum namanontong i. Nunga
dipodahon Debata, ise hita na naing malua sian paruhuman namanontong I taulahon
jala taradoti ma hatana dalanta manopot haluaon naung pinarade nai
3. Didok
Jesus do ibana andul umbalga jala na parjolo sian si Abraham nang panuring na
asing. Toho doi jala tutu situtu, ibana do mulana jala ujungna, naro sian
Debata paradehon inganan diakka namanghaporseai baritana. Molo taida do luhut
akka jolma na gogo jala namarhuaso naujui mulai sian si HERODES, Pontius Pilatus,
Kaisar Nero, Cleopatra, Abraham bahkan Simson na gogo sahali pe, sahat ro di
tikkion peak dope nasida dibagasan hamatean. Holan Jesus Kristus do na tuk
monang manalahun hamatean siala tutu situtu do ibana namarharoroan sian
Deabata. Siala nii unang ma ganggu hita manghaporsea barita napinasahatna.
4. Nunga
be taida luhutna, dang holan baga baga manang nubuatan be sude nai siala ni i
unang be nian adong roha ganggu di akka ganup parngoluotta dinalao
manghaporseai ibana, naing ma nian marhite haporseaon gabe parsidohot hita
manjalao haluan na naung pinarade nai
Amen.
