Jamita minggu XXIII Dung Trinitatis - Matius 25:1-13 - DUNGO MA HITA PAIMAHON HARORO NI KRISTUS JESUS I

 

1.      Evangelium minggu XXIII Dung Trinitatis

Matius 25 : 1 – 13

Thema : DUNGO MA HITA PAIMAHON HARORO NI KRISTUS JESUS I

1)   Ai ndang adong hita umboto sadihari Ibana ro

·   10 parompuan i sasintongna manggambarhon taringot tu asi ni roha ni Debata do i, lapatanna : sude do jolma i di otndang asa ro tu pesta i jala ndang mar imbar masiboan palito na be. Alai anggo na bisuk i di isi do palitona dohot miak, jala na oto i holan palito na kosong i do di boan.

·   Miak i ima lambang ni haporseaon naung sinolukkon ni Debata marhite tondi, jala sulu i ma gombaran ni hajolmaon i.

·   Jala nang pe nunga di solukhon Debata tondi i dihita ganup na porsea, bangkona do daging ta on na gale, alani molo tabereng di ayat 5 sarupa do nasida saluhutna tarpodom ala leleng ro pangoli i. gambaran ni hita di hajolmaon do on, na pabotohon tu hita ndang adong jolma na gogo sandiri laho dungo torus 100% di portibi on, sude do hita na jatuh bangun di na marhaporseaon on, na olo marsahit, jala na olo tarpodom di pardagingon nang haporseaon. Alai taida ma perbedaan ni na bisuk dohot na oto i tung tangkas do, Ianggo na bisuk i, tarpodom pe nasida sasintongna nunga be dibagasan haporseaon na rade. Hape molo na oto i, tarpodom nasida di bagasan kelalaian dohot ndang marhaporseaon, ido umbahen di na ro pangoli i di naso panagaman nasida “di tonga borngin” holan naung rade i do pagalakhon palito na.

·   Alani, molo mamereng do hita di namasa di ari parpudi on, sipata longang jala tarsonggot do hita di na ro hamatean tu hajolmaon i, baik ma i di angka ale alenta, keluarga, dongan sahuria, nang angka naso tangkas ta tanda pe, na mora na pogos sarupa do dang tolap mangambati sorop ni hamatean i, jala ndang boi mar paitte jo molo dung do tingkina, artina marhite on na tutu situtu do hape ianggo taringot tu hamatean ndang adong ise hita umbotosa, holan Debata si tompa hajolmaon i do na umboto.

Songoni ma nang haroro ni Kristus Jesus, molo di bungku ni si matius bindu 24:37-44 di pa ingot do hita aja jaga paimahon haroro ni Jesus Kristus i.

·   Jala marhite turpuk jamita on, botoonta ma Ianggo taringot tu haporseaon ndang boi hape marsipinjaman. (8)

Alani, songon dia do hape paimahon haroro na i ?

 

2)   Sude ma hita paimahonsa dibagasan haporseaon na mangolu

·      Benget jala sabar ma hita paimahonsa

·      Waspada ma hita di ngolunta ganup, lapatanna “unang tapaima ari marsogot asa mulak hita tu Debata, unang tapaima ari na denggan asa tapatupa angka na uli, alai ingkhon tongtong ma nian hita mulak tu Debata di siganup tingki asa di gohi hita dibagasan haporseaon na rade paimahon Ibana, jala na mangogu hita mamparbuehon angka na uli.

·      Unang mandao hita sian Huria ni Debata, asa sada jala solhot situtu hita tu Debata marhite HataNa nang angka sakramen.

·      Jala molo didok haporseaon namangolu, sasintongna on ma haporseaon naso mansohot marparbue na denggan, manghaholongi Debata songoni ma nang dongan Jolma. Jala di horhon haporseaon namangolu i do haunduhon ni roha naso olo be mangasahon gogo manang parugamoon ni hadagingonna sandiri, alai namangasahon haporseaon dohot holong ni roha dibagasan asi n iroha mardongan  tangiang.