JAMITA
PASKAH PADUAHON
Nats
: Jesaya 26 : 17 – 19
“DIPAHEHE
DEBATA DO ANGKA NA MATE”
I.
PATUJOLO
Di sada Film na margoar Justice
League, adong sahalak na margoar Lois Lane mandok songon on :
“Hagolapon
na sasintongna ndang naso adong panondang, alai molo didok hagolapon ima sada pandohan
na mangkirim ndang na ro anggo panondang i”. Dibagasan hagolapon, maol do ganup
angka jolma marnida. Alai sai adong do na marpangkirimon ikkon marnida hatiuron
i.
Remnant,
horong na setia, sai adong do. Yesaya pasal 26 sasintongna bagian sian ende
puji pujian dohot hamuliateon tu Debata Jahowa do i, jala pasal on boi tarbagi
gabe tolu bagian. Bagian na parjolo (1-7) ende Hamuliateon tu Debata ni Israel
na manongtong, na manguhumi jala patutoruhon ganup angka na paginjanghon
rohana, alai na patimbohon ganup angka na mian di hasintongan. Ganup angka na
mian dibagasan hasintongan ingkon masuk do marhite pintu i laho mandai denggan basa
haluaon naung pinatupa ni Debata.
Bagian
na paduahon (8-10) sipaingot taringot tu panguhuman ni Debata na pinaima ni
ganup angka na mian di bagasan hasintongan. Di bagian on, di gombarhon do bahwa
hasintongan ni Debata ingkon do di hatindanghon jala ganup angka na mian di
bagasan hajahaton ingkon do uhumonNa.
Bagian
na patoluhon (11-19) taringot tu pangkirimon haluaon di ganup angka na porsea
dohot panguhuma di ganup angka parjahat. Pangkirioman on, digambarhon songon
sada parompuan na paimahon hasosorang ni anakhonna mamboan sada las n iroha na
balga. Jala marhite pangkiriman on tontu ingkon do di bagasan pos ni roha tu Debata.
Di bagasan sitaonon sai adong dope na paimahon holong ni Debata songon na
paimahon hatiuron di na golap. Turpuk on mambagabagahon taringot tu masa
haheheon ni ganup angka na mate songoni nang haroro ni pembaharuan nang angka
dame nasumurung sian Debata. Si Jesaya mambagabagahon di tingki harajaon di
selatan, Yehuda, na marsitaonon ala ni kebobrokan sosial, politik, dohot spiritual,
sarupa ma i songon na masa di harajaon utara na dihancurhon si Raja Asyur, Alani
ro Nabi Yesaya mambagabagahon, di angka sitaonon na sian raja Asyur na gogo i
na mangagohon Yehuda adong do asi ni roha ni Debata.
II.
HATORANGON NI TURPUK
Ayat
17
“songon
parompuan na gabegabean, nunga jonok hasasangana mangae posoposona, mangangguhi
ma ibana di habernitonna oi, laos songoni do hadadaon nami sian bohim ale Jahowa”
Ayat
on manggombarhon sitaonon dohot hasusaan na tinaon ni ganup angka na porsea,
digombarhon marhite sitaonon na tinaon ni sahalak parompuan di tingki na
manubuhon dakdanakna.
Ayat
18
“Gabegabean
do nang hami mangae poso poso do hami, hape hira alogo do na hutubuhon hami,
ndang tarpatupa hami hatuaon di tano i, jala dung sahat hutubuhon hami isi ni
portibi on”
Ayat
19
“Mangolu
do ianggo angka na mate i, hehe do muse bangke ku. Ngot ma hamu jala marolop
olop hamu angka isi ni orbuk? Ai nambur ni angka panondang do nambur mu, jala
paruaron ni tano i muse angka naung mate”
On ma janji ni Debata taringot tu heheon ni ganup angka naung mate. Angka bangke
bangke nasida ingkon hehe do, jaga ganup na mian digabasan “Abu” ingkon hehe
muse jala marlas n iroha tu Debata.
“Embun
Mu seperti Fajar” perubahan na manggombarhon huaso ni Debata na pangoluhon
ganup angka naung mate.
Bumi
akan “melahirkan orang orang matinya” na marlapatan ma i ianggo ngolu i ingkon
mulak do muse tu ganup angka naung mate.
III. SIPAHUSOR
HUSORON
·
Pangkirimon di haluaon na sian Debata
Nang pe dibagasan
sitaonon dohot panguhuman, alai si Yesaya mandok bahwa ganup angka na porsea
ingkon do mandapot haluaon, jala adong do haheheon dohot dame nasumurng di
angka naung mate.
·
Gogo laho mangalo dosa
Gombaron songon parompuan
na paimahon hasosorang ni ianakhonna ingkon do mangae na hansit (17-18)
manggombarhon sitaonon di angka na porsea laho mangomo haluaon dohot pemurnian sian
gnaup angka dosa.
·
Pangkirimon di haheheon
Ayat 19 mambagabagahon taringot
tu haheheon di angka na mate, ganup angka daging ni naung mate mulak gabe abu,
jala ingkon hehe muse jala marlas ni roha sialani holong ni roha ni Debata.
·
Debata do parlinggoman ta
Pasal 26 on pasahathon
bahwa Debata do partanobatoanta na mangontong, Ibana do parlinggomanta na
sintong di tonga tonga ni hasusaan na sian portibi on, jala di Ibana do jumpang
hita hasintongan.
·
Pesan utama
Yesaya 26:17-19 manggombarhon
perubahan di hasusaan dohot sitaonon na ro tu ganup angka na porsea, mangihut
marhite baga baga di haheheon ni angka na mate, perubahan, dohot dame na manontong
na nilehon ni Debata. Songon ombun na torang na mangalehon hangoluan. Ganup hita
naung mate ala ni dosa, dohot ala ni angka penolakan ta di hataNa sepatutna
ingkon do hita ambolong tu api paruhuman i, alai marhite haheheon ni Jesus
Kristus nunga talu be sorop ni hamatean i, jala gok ma pakkiromonta tu Debata ai
nunga dapotan haluaon hita marhite na porsea tu Ibana. Amen !
Pdt. Jefron Lumban Batu, M.Si. Teol. (GKPI
Resort Batam)
