JAMITA
PARTANGIANGAN
10/07/2024
Nats : 2 Korintus 12 : 1 – 10
Thema : Tongtong
Ma Hita Di Bagasan Serep Ni Roha
Pendahuluan
: Di hita saluhutna dongan sahaporseaon,
molo sai tapaihut-ihut do perkembangan ni Zaman di tingki on. Lam torop angka
paradongan manang na angka na mamora lam torop do tong angka jolma na
mangalupahon Debata manang na angka siginjang roha. Jotjot do jolma sai mandok
anggo dang ala ni bisuk hu, anggo dang alani gogongku ndang mungkin boi au
songon on sepintas tapingkiri boi do toho i, alai Sasintongna angka pandohan
sisongon on ndang di halomohon Debata, alani do marhite turpuk jamita di
borngin on, di paingot Debata do hita asa : Tongtong Ma Hita Di Bagasan Serep Ni Roha
1.
Aha do Serep ni
roha i?
Angka dongan sahaporseaon, molo ta paihut
ihut do na di turpuk jamita ta di borngin on, sasintongna on ma poda ni si
Apostel Paulus tu Huria Korintus na paingothon gomos tu angka ruas i, bahwa
mansai godang do na pinamasa jala na pinasahat ni Debata, lumobi ma tahe
taringot tu pangungkapion na pinasahat ni Debata tu ibana ima taringot tu PARADAISO
(4). Di pangkilalahon ibana do pandonganion ni Debata di ngoluna, jala di angka
hagaleonna pe sai tongtong do di pargogoi Debata. Alai sada do na naeng
siberengon ta, sian godang ni angka denggan basa ni Debata naung sahat tu ibana,
ndang hea gabe mamuji muji diri Apostel i maradophon angka jolma, ndang olo
ibana gabe marginjang ni roha di angka donganna, jala ndang hea olo Apostel
Paulus i gabe merasa umbadia sian saluhut angka donganna. Sai tongtong do denggan
basa ni Debata Jahowa na pinaboa ni ibana, dang lupa Ibana bahwa di atas ni
saluhut na jinalo nai na sian Debata doi, jala di ginjang di saluhut
pangkobasionna di huriai sai tongtong do Denggan basa ni Jahowa na pinaboa na.
Di bagian
na parjolo di jamita ta di borngin on didok do “Aha do Serep ni Roha” Serep ni roha Ima na ni lehon ni Debata holan
di ganup angka na botul botul porsea tu Debata. Holan angka hita na porsea di
Debata do na sai tongtong menyadari bahwa sude angka na adong di hita on sian
Debata. Jala holan angka na marpos ni roha di Debata do na olo mandok mauliate
di bagasan lambas ni roha tu Debata.
Alani angka dongan sahaporseaon, Serep ni
roha, ima roha na olo patutoruhon diri di adopan ni Debata. Angka on ma sasintongna
na ingkon patuduhononta di ngolunta siganup ari songon naung pinaboa jala
pinatudu ni Apostel Paulus i tu huria Korintus.
Molo mamereng do hita di namasa nuaeng,
torop dope angka hita naso menyadari angka silehon lehon ni Debata, di tingki
dungo hita di manogot ni ari sai adong dope na lupa mandok mauliate, di tingki
na mangula hita sai jotjot dope holan mangasahon gogo, di tingki naung
marhasohotan hita sai tongtong dope ndang sude manghamuliatehon parpadanan i alani
do tabereng asa olo ma masa Kdrt, manang na perceraian, perselingkuhan lan
angka na asing. Jala di tingki naung pinasahat ni Debata angka Ianakhon tu hita
sai torop dope anngka natoras naso manghamuliatehon pasu pasu i, ido asa olo
masa Pembunuhan tu angka dakdanak, penjualan anak, dohot menelantarkan anak. Artina
angka dongan sahaporseaon, torop dope naso mangolu di bagasan serep ni roha
maradophon Debata. Godang dope naso olo manghamuliatehon saluhut angka denggan
basa ni Debata. Jala godang dope hita na sai olo tongtong marhata sada mandok “anggo dang ala ni au”. Di saluhutna i tardapot
do hita dison na sai olo mansoadahon Debata di pardalanan ni ngoluna, jala ima
angka dosanta maradophon Debata.
Alani angka dongan sahaporseaon, gomos do
di paingot Debata hita di bagasan borngin on, unang ginjang rohanta di ngolunta
on, tangkas do ta antusi bahwa ro hita tu portibi on holan daging dohot Hosa na
sian Debata ido taboan jala mulak pe hita di ari marsogot daging ta on mulak do
gabe tano jala tading doi di inganan parsatongkian i, holan tondi na sian
Debata ido na mulak tu Debata. Artina, Debata do na manarihon hita saleleng
mangolu hita di portibi on. Jala tangkas ma ta antusi ndang adong hita jolma na
boi mamilangi pasu pasu ni Debata, Gelleng manang na balga dang tolapta
mangukkur i, jala godang manang na otik ndang tarbahen hita ukkuran ni i hombar
tu parbinotoanta ai ganup tingki jala ganup ari do hita di pasu pasu Debata. Ingkon
do nian sai tongtong songon Apostel i hita, gabe tau tiruon di roha, lumobi ma
tahe di haporseaon maradophon Debata. Ta tiru ma Apostel i, ai di tingki sonang
manang na susa tongtong mangkirim di Debata ai tangkas do di dok ibana di ayat
10 “dibahen i, sonang do hu hilala di bagasan angka hagaleon, pangaleaion,
hasosahan, pangaleleon dohot hagogoton alani Kristus, ai jumpa gale au disi do
au margogo.
2.
Ai tuk do asi ni
roha ni Debata di hita
Angka dongan sahaporseaon, di bagasan sitaonon
nang angka parungkilon na niadopan ni Apostel i sai tongtong do di alu aluhon
ibana tu Debata. Pola do didok ibana di ayat 8, “tolu hali hupangido sian Tuhan
i, asa sumurut i sian ahu”. Marhite on nian, hita pe saluhutna di ngolunta on,
naeng do ingkon pataridahononta serep ni rohanta maradophon Debata, ima marhite
na sai tongtong olo hita manjouhon goar ni Debata, tongtong gomos mangido gogo
sian Deba, ai didok Debata do “Tuk do asi ni rohangku di ho” na marlapatan ma i
bahwa di saluhut na taula i sai donganan ni Debata do hita, jala di saluhut
angka pasu pasu na pinasahat ni Debata, isarana angka Inakahon, parkarejoan
nang angka usahatta be, ingkon pos do rohanta na tuk do asi ni roha ni Debata
laho mandongani jala mamasu masu saluhut na i molo tongtong di bagasan
haserepon di roha hita maradophon Debata. Alani sude ma hita marserep ni roha/marunduk
ni roha maradophon Debata, tontong ma hita Bermegah/kagum di saluhut angka
denggan basa ni Debata na sai tongtong mangaramoti ngolunta siganup tingki.
Amen !.
