Jamita Minggu XI Dung Trinitatis Yohanes 6 : 35 – 51 JESUS DO ROTI HANGOLUAN I

JAMITA MINGGU XI DUNG TRINITATIS

Evangelium  : Yohanes 6 : 35 – 51

Thema          :  Jesus Do Roti Hangoluan I

1.     Jangkon ma jala unang pangasahon pingkiran mu

2.     Asa dapot hamu hangoluan na saleleng leleng na i

Patujolo :  Molo tapaihut ihut do namasa di dingolunta nuaeng on, sada hapuason ni roha do di angka undangan manganhon angka sipanganon na pinarade di angka parpesta manang na angka na manamuei molo cukup sipanganon i lumobi ma tahe molo ndang adong na hurangan, godang do jolma na gabe ida ida mandohoti ulaon si songoni lumobi ma molo di pesta ni halak hita, jala godang do na mamereng angka namasa di angka naung salpu laho mandohoti angka ulaon ni dongan. Hinorhon ni i, sude do mangkirim asa di saluhut ulaon unang nian adong na hurangan, ingkon lobi do sipanganon asa puas jala tarbarita na buas paradehon parpesta i. Songoni ma nang namasa di turpuk jamita sadari on, dung di pamasa Jesus sada Mujizat na mangalehon 5.000 halak mangan marhite 5 Roti dohot 2 dengke, buas do roha ni angka natorop i, jala ida ida do nasida di haliluon manang na panamueion ni Jesus Kristus, ido umbahen na sai di lului nasida do Jesus Kristus. Di hita pe saluhutna, saleleng mangolu hita di portibi on, ndang boi tarsirang ngolunta on sian sipanganon pardagingon. Alai marhite turpuk jamita di ari sadari on ondol ma di sungguli Debata hita, bahwa di atas ni saluhut na ringkot tu pardagingon ni ngolunta on, adong dope na mansai urringkot, ima sipanganon ni tondi na pinarade ni Debata marhite Jesus Kristus. Alani sadari on di paingot Debata do hita marhite Thema ni jamita namandok :

                   “JESUS DO ROTI HANGOLUAN I”

1.     TA JANGKON MA JESUS I, JALA UNANG TAPANGASAHON PINGKIRANTA

Marhite Goar ni minggu ta sadari on, ima minggu XI dung Trinitatis na marlapatan ma i hasitolu sadaon ni Debata. Sasintongna molo tangkas do panandaion ni angka natorop i nang songoni angka sisean ni Jesus i manghaporseai Jesus Kristus, ndang apala maol haporseaon nasida huaso ni Jesus na pamasahon angka halongangan di tonga tonga nasida. Saleleng pingkiran ta on do na tapangasahon laho manangkasi taringot tu harajaon ni Debata ndang jumpang hita hasintongan i. Alani do marhite goar ni minggu ta sadari on di paingot do hita bahwa Jesus Kristus i sintong do i anak ni Debata, jala ia disi Jesus Jongjong na disi do Debata Ama nang Tondi porbadia, sada do na tolu i jala dang tarsirang sirang, jala marhite hadirion nai do marhuaso Jesus i patupahon angka halongangan ditonga-tonga ni parguruan i laos songoni ma di ngolunta siganup ari.

 

Di pardalanan panghobasion ni Jesus Kristus di patupa Ibana do sada halongangan ima na masa di tonga tonga ni parguruan na di huta Kapernaum, jongjong do Jesus mangajari jala patupahon partamueon, mangalehon 5.000 halak mangan marhite 5 roti dohot 2 ikan. Sada halonganan bolon do sasintongna namasa on di bereng angka natorop i, alai di saluhut angka namasa i ndang mananda dope saluhut angka natorop i di Jesus Kristus (Joh. 6 : 36+41-42). Jala hita pe songoni do di adopan ni Debata, ndang tolap ni pingkiran ta on laho manulingkiti hadirion ni Jesus Kristus i ianggo holan mangasahon pikkiran nang bisuk ta, songon dia pe bisuk ta ndang adong dope na boi mananda Jesus Kristus i di bagasan hasintongan, ianggo so tondi porbadia i na manutur-nuturi hita. Alani di hita saluhutna, asa tatanda Jesus Kristus, jala tarjalo hita hasitolu sadaon ni Debata, unang tapangasahon pingkiranta (Yoh.16:13-14). Alai naeng ma nian tongtong dibagasan serep ni roha na unduk hita di panogu noguon ni Tondi Porbadai i, asa ta antusi sangkap ni Debata. Secara hajolmaon tung mansai tangkas do nian di tanda angka natorop i Jesus Kristus, baik sian sejarah latar belakang na, lumobi ma di kehidupan ni Jesus di siganup ari (Yoh.6:42). Alani di hita saluhutna sada do na ringkot porlu ulahonon jala haporseaonta, ia Jesus Kristus i sintong do i anak ni Debata songon pandok ni soara di na tardidi Jesus di aek Jordan (Mat. 3 : 17) artina sian hajolmaon ta on, ndang apala na rumingkot hita manangkasi manang na mangasahon parbinotoan ta manulingkiti taringot tu Jesus Kristus, tahaporseai ma na didok ni Debata ai anak haholongan ni roha na do Ibana. Jala na ringkot si ingoton ta, ta ingot ma ianggo Jesus Kristus i, ndang lomo rohana hita bolong nanggo sada (Joh. 6 : 39), sude do hita di haholongi Debata jala sarupa do hita saluhutna di adopan ni Debata asal ma tongtong di bagasan toruk ni roha hita manolsoli angka dosa di di adopan ni Debata.

 

2.     ASA DAPOTAN HITA DI HANGOLUAN SOGOT

Saluhut angka jolma na di portibi on, sude do mangkirim di hasonangan ni Tondi, ima di surgo hasonangan i. Di turpuk jamita sadari on, di paboa jala di tawarhon Jesus ido bahwa holan Jesus do dalan tu surgo hasonangan i, alani ingkon do tajangkon mudar dohot daging ni Jesus na ro sian banua ginjang. Molo pe bosuran hita di ngolunta on alani angka sipaganon na tapangan Debata do na sumarihon hita disi, jala molo pe margogo hita mangulahon angka siulaonta, alani denggan basa ni Debata do i dihita, jala molo pe dapotan mangan hita siganup ari, saluhutna i sian Debata do i. Alani doo sadari on di paingot Debbata do tu hita gomos, nang pe bosuran hita alani angka sipanganon pardagingon ndang gabe sada jaminan i mambahen hita sahat tu haluaon i, holan sada do jaminan laho bongot tusi, ima manjangkon sipaganon naso ra suda na pinelehon ni Debata manobus hita, ima Mudar dohot daging ni Jesus Kristus i. Ia Jesus Kristus i tangkas do Ibana na ro sian ginjang nang pe ingkon sorang sian bortian ni si Maria, jala di dok Jesus ido naso tupa be male angka na manganhon roti i, jala naso tupa be mauas manang ise na porse na manjalo mudar ni Kristus Jesus i, sai torus do di patolhas Jesus taringot tu hamamate na i laho manobus hita. Alai sian na robi sahat tu nuaeng godang dope hita naso marpos ni roha di Jesus Kristus i, godang dope na mardalan di luar ni Jesus Kristus. Manaringoti taringot tu Mudar dohot daging ni Kristus Jesus i, secara hajolmaon godang do jolma marpandapot bahwa tudos ma halak Karisten i, manusia Kanibalisme (pemakan sesama). Alai dison porlu do manat jala berhati hati hita manuturi hata ni Debata, jala sada kepastian do na pinasahat ni Jesus tu hita bahwa ganup na manjalo (manghaporseai) Jesus Kristus i gabe sipanganon manang na kebutuhan na terutama di ngolunta siganup ari alani di hita huria Lutheran mansai ringkot do huria patupahon parpanganan na badia, manjalo mudar dohot daging ni Kristus Jesus na patupahon haluaon di hita.

 

Alani, taingot ma gomos, saleleng mangolu hita di portibi on, ta haringkothon ma sipanganon na pinarade ni Debata, tapajonok ma dirinta tu Debata jala sude ma hita ro mandapothon Debata di bagasan panghirimon na sintong, ia molo halak Israel di padan na robi ro mandapothon Jesus Kristus i alani mangkirim di sipanganon pardagingon sambing. Sadarion luhut hita gomos di paingot Debata asa ro ma hita tu Debata ndang holan alani angka na ringkot di parngoluonta siganup ari be, jangan kita datang kepada Jesus Kristus hanya ingin memperoleh Berkat dunia semata. Sude hita naeng do marpangkiriomon na sintong, ro pajonokhon diri tu Debata ala naung di tobus Debata hita marhite Mudar dohot daging ni Jesus Kristus i. ala naung di parade Debata di hita sipanganon naso ra habis i, ima daging ni Jesus Kristus.

 

Molo pe di lehon Debata hita gogo mangalului angka sinamot na di portibi on, angka sipanganon ni pardagingonta, unang ma lupa hita di sipanganon ni Tondi naung pinasahta ni Debata tu hita, ima marhite na tongtong porsea di Debata jala olo ro tu Debata di bagasan haserepon ni roha manjalo asi ni roha nai. Amen!