𝐌𝐀𝐑𝐊𝐔𝐒 𝟏𝟎 : 𝟑𝟐 - 𝟒𝟓 - 𝐉𝐚𝐦𝐢𝐭𝐚 𝐦𝐢𝐧𝐠𝐠𝐮 𝐉𝐮𝐝𝐢𝐤𝐚

𝐌𝐀𝐑𝐊𝐔𝐒 𝟏𝟎 : 𝟑𝟐 - 𝟒𝟓

Judika : luluhon ma Abu ale Jahowa

Pendahuluan :  Di minggu Judika sadari on masuk ma Hita tu barita ni Jesus Kristus naung patolu halihon Ibana paboahon na ikkon mate jala tarsilang do Kristus i, ima di tingki na mardalan Jesus dohot angka sisean_Na nasampuludua i laho mandapothon huta Jerusalem. Patar do di dok Jesus na ikkon pamateon ni angka sintua malim ni halak Jahudi dohot angka siboto surat do Ibana. Sada hal na naeng si idaon di turpuk on, di patandahon Jesus ido hadirion_Na, ima marhite naung 3 hali Ibana patoranghon taringot tu hamamate_Nai, jala di turpuk on tangkas do didok lao mandapothon huta manang na inganan na laho marsitaonon i, di jolo do Jesus i mamboanhon angka sisean_Nai laho mandapothon huta Jerusalem “Pemimpin di depan”. Artina molo tapatudos do tu angka kepemimpinan di portibi on, jumotjot do angka bawahan parjolo turun laho mangadopi angka segala hal, dung i pe asa turun angka pemimpin manang na Raja atau bagaikan trik permainan Catur. Alani marhite Jamita on dia do naeng sidohonon ?. Berbeda do harajaon ni Debata (Jesus) dohot harajaon Portion. Sian angka hapapatar ni Jesus taringot tu sitaonon na tu angka sisean nai ndang olo Ibana lupa papatarhon tujuan utama harorona tu portibi on, ima na laho paluahon hita ganup jolma sian gonggoman ni dosa, alani marhite turpuk Jamita on di paingot Debata do hita asa tangkas ta attusi :

Thema : Nunga di Tobus Mudar ni Kritus i be Hita

1.      Asa Unang mabiar jala Lomos be Hita (Low)

2.      Ai nungga di pamonang Kristus I saluhut angka na porsea di Ibana (Gospel)

1.     Asa Unang Mabiar jala Lomos

     Molo tangkasdo ta antusi sasintongna hadirion ni Hajolmaon ta on jotjot do mambahen hita marganggu ni roha, lomos bahkan ndang adong pangkirimon taringot tu ujung ni ngolutta di portibi on. Alani molo tabereng do di turpuk on, ima di namardalan Jesus Kristus dohot angka siseannai, on ma na patolu halihon Ibana patolhashon na ingkon marsitaonon do Jesus i di hamatean laos hehe sian hamatean i. Sebagai jolma biasa, tontu sada hal na borat do on jaloon di roha ni angka si seannai “ndang mungkin sahalak Kristus/Guru manang na Raja mate” lumobi ma di namanguluhon sisean na 12 halak i tontu ragu jala biar do roha nasida, songon dia do molo toho mate Kristus i ?. Tu dia ma hami on, jala ise be na manguluhon hami. 

Alani di turpuk on pe tardapot do sisean Nai margangu ni roha jala mabiar songon na didok di ayat (32). Alai laos di jouhon Jesus ma angka siseanai laos di dok ma taringot tu sitaonon nai  (34). Adong do na naeng dohonon ni Jesus tu hita di tingki on jala patuduhononna marhite turpuk on bahwa Jesus Kristus i toho do Ibana na ro sian Debata “Ndang mabiar Jesus i mamaritahon taringot tu sitaonon nai, jala di namardalan nasida laho mandapothon huta inganan ni Jesus lao marsitaonon tu liat Jerusalem di jolo do Ibana mamboanhon angka siseannai”. Sian on boi tangkas tandaon ta bahwa na toho do Jesus i anak ni Debata na pinatuduhonna tu angka sisean_Nai.

     Marhite sian Pangajarion ni Jesus i diangka sisean nai, laos di dapothon sisean_Nai ma Jesus, si Jakkobus dohot si Johannes, dipangido roha nasida ala naung tangkas di antusi nasida na ingkon marsirang nama nasida dohot Jesus i, dipaido nasida ma asa di bahen nasida di siamun dohot di hambirang_Na. Molo tatarik tu dirinta ganup, molo manimbangi sian ias ni roha namangihuthon Jesus i, sasintongna ndang apala pangidoan na sala na pinangido ni angka sisean i, na marlapatan asa tongtong rap nasida dohot Jesus, alai di lain sisi molo ni pingkiran sian sisi hajolmaon mungkin adong do motivasi na sala disi “ia molo naung hundul au annon di samping ni Jesus i nga gabe dohot be au mangarajai” dan terlalu egois mementingkan kepentingan pribadi alana adong do nasida 12 halak. 

Alani marhite turpuk on porlu do botoon sasintongna dison do naso disadari sisean Nai dope di angka pandohan ni Jesus taringot tu hamamate_Nai, dia do tujuan ni Jesus asa pola ingkon ro tu portibi on jala mate di hau Pinarsilang i ?. Ia tujuan utama ni Jesus ro tu portibi on lao Marsitaonon do di hau Pinarsilang i, asa tartobus Dosa ni Portibi on, marhite mudar ni Jesus I gabe padamehon ganup jolma na porsea tu Debata. Na marlapatan mai, Jesus ido na Padamehon hita tu Debata “ndang Alani pangidoan ni sisean_Nai asa gabe hundul di siamun nang hambirang ni Jesus”. Alai holan asi ni roha ni Debata do i marhite Jesus Kristus i naung mate di hau pinarsilang. 

Umbahen i hita nasa natargoar halak Kristen porlu do tangkasion panandaionta taringot tu Jesus i "Sintong do manang na daong" jala Songon dia do motivasitta  mangihuthon Jesus ?. Asa unang tardapot hita di angka HAPORSEAON nang PANANDAION naso tingkos. "Ia molo sala Panandaion Laos sala do nang Motivasi di Saluhutna". Alani di turpuk on tabereng do Jesus i mangalusi angka siseseannai songon na didok di ayat (40). Na marlapatan do i anggo taringot tu na hinirim ni sisean i hundul di siamun/hambirang ni Jesus i, manang na rap dohot Jesus di surgo na pinarade nai holan di angka naung di parade i do sahat tusi ima di angka ganup na Porsea di hamamate ni Kristus Jesus i “Joh.3 :16, Rom.10:9” di angka na tongtong marposniroha na manghangoluhon pandidion dohot mudar nang daging ni Kristus i ima na gabe partohap di harajaon ni Debata.

  Taringot tu pangidoan ni angka sisean Nai pola do di alusi Jesus angka sisean Nai ima marhite na di arbishon Ibana taringot tu 2 sakramen di huria Luheran “Ima pandidion na badia dohot Ulaon na Badia” di dok Jesus di ayat 38 i. laos ro do siseannai mangalusi “tarbahen hami do (39)”. Marhite jamita on pe naeng do ingkon antusonta bahwa on sada panindangion ni Jesus taringot tu barita hasintongan, dihadirihon Ibana do nasintong taringot tu dirina nang dohot tujuan na ro tu Protibi on. Di padiri Jesus do hadirionna marhite pandidion na badia i, ima na paboahon na toho do Jesus jolma 100% marhite pandidion na badia i na pinatupa ni si Johannes pandidi naung sinuriranghon hian di padan na robi. Ndang alani dosa asa di didi Jesus i, alai naeng papatarhon tu jolma i marhite pandohan “on do anak haholongan hu lomo do rohangku di Ibana” berbeda sian hita jola “hita di didi marhite Goar ni Debata ama, Anak, dohot tondi Porbadia” asa di buri do hita sian dosa tean teanan naung tartanom hian sian bortian dope. Jala pandohan ni Jesus Kristus taringot tu namanginum si inumon nai ima sitaonon ni Jesus Kristus di hau pinarsilang i, na gabe mambahen sahat tu hita hasesaan ni Dosa marhite Hamamate_Nai jala marhite na tajalo mudar dohot daging ni Kristus di parpadanan na badia i, di lehon tu hita bahen paingothon taringot tu hamamate ni jesus i nang hasesaan ni dosanta.

   Alani marhite angka pandohan na sintong na di ginjang i naeng nian hita saluhut nasa na targoar na porsea naung tinobus ni mudar ni Kristus i, unang be mabiar jala lomos be hita mandalani ngolunta siganup ari songon na nidok ni par Pasalmen pertolongan ku datang dari Allah pencipta langit dan bumi (Maz.121:2). Molo pe masa angka arsak, lomos ni roha, jala angka kejadian naso boi tarjalo di rohanta ganup, manang na Angka Ganggu ni rohanta Lao mandalani ngolutta, jamita on paingothon asa tongtong tapaunduk jala tapaserep ma rohanta mangido gogo sian Debata asa di pargogoi jala di togu togu hita mamolus saluhut angka na masa i, tetap berjuang “tidak meninggalkan penderitaan “Salib”. Lumobi ma managam di haroroNa. 

2.      Ai nunga di pamonang Kristus i saluhut angka na porsea di Ibana (Gospel)

Sada nauringkot di ngolutta on ima manghamuliatehon hamamate ni Kristus Jesus.  Ganup jolma na mansoadahon hamamate ni Kristus Jesus, naso manghamuliatehon hamamate ni Kristus Jesus i, ima angka jolma naso tingkos mananda Jesus sipalua i songon deba sian angka sisean_Nai. Jala di Hita hajolmaon on pe terdapat do hita disi ima di angka naso manghamuliatehon hamamate_Nai sai jotjot dope tapelehon dirinta on di pangke sibolis. Alani marhite pandohan na paduahon on ima na mandok nunga di pamonang Jesus i hita, naeng nian sude hita manghamuliatehon denggan basa ni Debata tu hita angka na tinomopa na. Molo tutu do hita manghamuliatehon denggan basa, asi ni roha ni Debata, ndang bangkol be hita lao ro marsinggang di adopan ni Debata manolsoli di side dosanta, ndang bangkol be hita lao mangurupi angka na gale, jala hinorhon ni kesadaran i di patigor do Hita asa tahaholongi NASA na targoar jolma, lumbi ma tahe marsilehon lehon tu bagas joro Nai. Jala Ingkon do ta sadari bahwa saluhut angka na adong di hita on sian Debata do i. Debata do namanjadihon i, jala molo tung pe di lehon tu hita hombar tu na sinangkapan ni rohanta las ma rohanta disi jala tapangke ma i tau hasangapon di Debata.

Umbahen i hita angka na porsea di Debata marsitogu toguan ma hita, unang nian songon angka sisean i alan sungkun sungkun ni angka dongan_Nai gabe marsihasogoan roha nasida. Alai naeng do hita angka naung gabe sapanginuman jala sapanganan marhite parpadanan na badia i, ingkon marsitogu toguan jala marsipaunean, unang mangalului hasangapon lumobi ma tahe paatubuhon angka parhansitan ni roha. Pinomat molo pe ndang boi hita mambahen las roha ni angka dongan paling tidak unang nian gabe patubu parhansitan ni roha, asa sian i tandaon ma na tutu do hita angka na mangarade di haroroNa Nai, namanghamuliatehon hamamate ni Kristus Jesus sipalua. 

songon na didok ni Jesus di ayat 45 i, dihirim Debata do asa unang marisuang mudar dohot daging ni Kristus Jesus i naeng nian marsialapan dame jala rap manghamuliatehon hita di panobusion ni Kristus Jesus i di hita sian dosa hamatean i. Amen……….

Jamita Minggu Judika di Gereja Kristen Luther Indonesia (GKLI)

Sinirathon ni : 

𝓟𝓭𝓽. 𝓐𝓭𝓻𝓲𝓪𝓷𝓾𝓼 𝓢𝓲𝓽𝓾𝓶𝓸𝓻𝓪𝓷𝓰 𝓢. 𝓣𝓱

14-03-2024