Markus 3:20-35 - JAMITA MINGGU

 

JAMITA MINGGU, 09 JUNI 2024

II DUNG TRNITATIS

(Hasitolusadaon Ni Debata/ Ke-Tritunggalan Allah)

Nats: Markus 3:20-35

Panurat: Pdt. Jeprianto Marbun, S.Th

 

Patujolo:

Pelayanan ni Tuhan Jesus menarik perhatian ni torop masyarakat Jahudi nang songoni diluar ni halak Jahudi na ro mandapothon manang mangihuthon Tuhan Jesus, asing majolo sangkapna molo hahoro nasida ima nanaeng mangida tanda halonganan, naeng taruli dihamamalum ni pamatang namarsahit dohot angka lan na asing. Artina adong do pangkirimon nasida di Tuhan Jesus natuk paluahon nasida sian ragam ni parungkilonnna be umbahen na dihunton Tuhan Jesus. Ala porsea do nasida adong sesuatu na Istimewa dibagasan diri ni Jesus. Alani songon pangondolan ni Jamita, dihita:

Tema: JESUS DO MESIAS

I.            Unang sala panandaionta tu Ibana

Popularitas, ketenaran, hasangapon ido jot-jot na dilului halak, sada kebanggaan do on dipencapaian ni ngoluna, sada presatasi namansai arga na patut dipertahanhon. Ra sogo do rohani halak molo adong saingan berat apalagi berpengaruh tu pencapaionna, olo do ra di lului cara manggunturi marhite paroaroahon sainganna i boha ma asa tong  hot pencapaion i di ibana. Songoni do nang namasa diturpuk on adong 2 hal naboe taida dison:

-        Ay. 21. Naro sisolhot ni Jesus mangalap Ibana, namandok: narintik do Jesus, kehadiran ni sisolhot i, ima nadibege di ay. 20. Torop ni halak mangihuthon Jesus sampe pola sundat mangan.  Parjolo, disada sisi holong do dipatupa angka sisolhotna, kemungkinan besar nasida mungkin kwatir ala so mangan, jala kwatir nasida gabe partuktuhan Jesus tu halak Parise, mungkin nasida mengantisipasi persoalan bolon manang bahaya besar mungkin akan terjadi di Jesus molo tetap Ibana menarik perhatian ni torop halak tu Ibana. Kemungkinan napaduahon, disada sisi muruk nasida tu Jesus jala pangaleaanna i tu Jesus namandok narintik bentuk biar ni roha nasida manang mangantisipasi persoalan dipudian ni ari ro tu keluarga nasida alani pelayanan ni Jesus i. Baosa boe pandanggan ni sisolhotna i songoni? Ala so tangkas do panandaion nasida di Tuhan Jesus dohot ulaon-Na i tu portibion. Molo adong pe mangambati ulaon ni Debata di portibion tudos ma i, na so tangkas dope panandaionna di Tuhan i. 

                  Ayat. 22 Pandok ni Sibotosurat tu Jesus: Nasibolison do Ibana, jala induk ni angka sibolis i do dipangasahon, laho pabalihon angka sibolis, sasintongna pandohan on hata lea-lea do tu Huaso ni Debata, nadipatudos huaso ni Debata tu huaso ni sibolis, dangg holan huaso disi didok alai di dok do Induk ni angka sibolis dipangasahon Jesus laho pabalihon sibolis. Molo digoari induk, lapatanna: Sumber manang pusat, awal haroroan. Secara tidak langsung sumber hagogoon ni Jesus dohot nadibagasan diri Jesus didok nasida ima pangulu ni sibolis dipatudos nasida tu Debata, on ma nadigoari mangaleai Tondi Porbadia. Siboto surat ima para ahli tokoh Teologis kelas berat/ tokoh agama namangantusi hata ni Debata. Pernyataan nasida tu Jesus ditingki pabali sahalak na sinonggopan ni sibolis gabe hisar, Dipatudos do Jesus agen ni sibolis dangg diakui nasida adong huaso ha-Debataon namangula dibagasan diri ni Jesus. Dipatudos nasida do Huaso ni Jesus sarupa tu sibolis. Secara tidak langsung nasida menolak, menghujat, menghina huaso ni Debata, manulak ulaon ni Debata gabe ulaon ni Sibolis.  Boasa boe Sibotosurat mandok hata songoni? Molo tabandinghon di Surat ni si Matius 12:23-24 didok: Jadi tarhalomonong ma halak natorop i saluhutna, didok nasida ma: nda tung on anak ni si Daud ulaning? Ay. 24 Umbegei halak Farise ninna ma: Si Beelzebul induk ni angka sibolis do dipangasahon ibana, laho pabalihon tondi angka nahodar i? Dison nunga tangkas taida sasintongna angka natorop i nunga mereka-reka/ menebak bahwa Jesus anak ni si Daud, lapatanna, nasida nunga mulai mananda Identitas ni Jesus sebagai Mesias marhite angka tanda halongangan songon natarsurat di padang na robi. Umbege panindanggion ni torop di Identitias ni Jesus i mulai terungkap, ido umbahen halak Farise mangcalim Jesus pabalihon tondi nahodar marhite huaso ni si Beezebul. Sasintongna songon tokoh agama nasida, diboto nasida do marhite pangulaon ni Jesus, Ibana do tutu Mesias. Alai dangg dijangkon parulaon-Na i. Halak Farise berusaha mangalului pembelaan, atik pe nunga diboto nasida Jesus Mesias sian hata panurirangon dohot ciri-ciri ni Mesias di padang narobi sian pomparan si Daud, namarharoan sian Debata alai disangkal nasida do i saluhutna. Diboto nasida do ulaon ni Jesus parulaon ni Debata, alai ditulak do Ibana holan alani gengsi dohot pamor hasangapon/ kehormatan ditanoon mangarajai nasida. Halak Farise nunga manulak kemungkinan adong pemulihan ni Debata, siala dangg jujur nasida diparulaon ni Debata, namandok ulaon ni Tuhan Jesus ima sebagai tipuan setan. Dison di pataridahon nasida dirina naso marpangkirimon jala terang-terangan manorui ulaon ni Tuhan i. Menolak Mesias sarupa ma i manulak pemulihan na sian Debata, manang manulak silehonlehon ni Debata. Diboto do Ulaon ni Tuhan i, dibereng do parulaon ni Tuhan i, alai dang dijangkon ulaon ni Tuhan i dingoluna. Percaya Tuhan, alai dang menerima kehadiran Tuhan dingoluna.  Jesus marjanji bahwa tarsesa pe nasa dosa ni angka jolma rodi nasa ragam ni panginsahionnasida na dompak Debata (Markus 3:28)! Alai Sibotosurat manginsahi dohot mangaleai  sudena i sasintongana sangat berbahaya. Songondia boe parjadina tokoh Agama mangaleai Debata nanihaporseaonna, manang parulaonNa!, mangaleai pasupasu na nyata jala sangat nyata tipak dijolona marhite angka tanda halongangan.  Marhite umpama napinatorang ni Jesus, Jesus menganggap diriNa ummarhuasoan sian pamarentaan ni sibolis. Unang ma songon halak Farise, mago akal sehat hinorhon ni Ambisi.

II.         Marhuaso do Ibana Paluahon Hita

Ay. 27. Dangg habongontan halak jabu ni ulubalang, laho mangarampas ugasanna, anggo so jumolo diihoti ulubalang i: dung pe i, asa tarbuatsa ugasanna. Sasintongna Penuh kekerasan taringot tu mangarampas ugasana, Jesus menggombarhon diriNa sebagai halak namampu manaluhon pamarentaan ni Sibolis marhite “mangihoti ulubalang i” dung i pe i, asa tarbuatsa ugasanna. Umpama gombaran do on sebagai pernyataan Missi ni Jesus Mangarampas hita sian pamarentaon na asing/ pamarentaan ni sibolis asa mangolu hita di pamarentaon ni Debata. Dipalua do hita sian gomgoman ni sibolis pangagoi asa marhasonangan dibagasan harajaon ni Debata. Marhite aha hita dipalua? Dr. Martin Luther Mandok di Ponggol II: Taringot Hata Haluaon Ni Manisia.

Ahu porsea di Jesus Kristus Anak ni Debata Jahowa nasasada i; i ma na tinubuhon ni si Maria, na gabegabean sian Tondi Parbadia andorang so habubuhan. I do Tuhanta na tumaon na bernit di panguhuman ni si Latus, na mate tarpajal do Ibana di hau pinarsilang, na tuat tu banuatoru dung ditanom, na mulak mangolu di ari patoluhon, na manaek tu Surgo laho hundul tu siamun ni Debata Jahowa, AmaNa i pargogo na so hatudosan i, disi ma Ibana paima mulak sogot tu tano on manguhumi halak na mangolu dohot na mate.

Dia do lapatan ni i:  Na diparhatutu rohangku do Anak ni Debata situtu Jesus Kristus, na tinubuhon ni AmaNa di narobi ni narobi jala jolma situtu do Ibana ditubuhon si Maria andorang so habubuhan, I do Tuhanku na humophop ahu jala na manghamonanghon. Dipalua do ahu sian hamagoan, ahu na hona toru dohot sian dosa dohot sian hamatean dohot sian gomgoman ni sibolis i, ndada sere manang perak dibahen, tung mudarNa do na arga jala na badia dohot habebernit ni sian ni bagi na tinaonNa i dohot hamtean na so sian salaNa, asa Ibana nampuna ahu jala asa tigor rohangku jala bontor jala sonang mangoloi Ibana salelenglelengna di gomgomanNa; asa songon Ibana ahu na hehe sian hamtean, na mangolu jala manggomgomi salelenglelengna. I ma na tutu situtu.

 

III.       Alani Jangkon Ma Parulaon Ni Tuhan I Dingolum

Panjangkononta songon naung pinalua ni Tuhan Jesus hita, ima mangulahon lomo ni roha ni Debata songon parbue ni haluaon i di hita. Taloas ma Tondi Porbadia mangula dihita asa tarjalo hita ulaon Tuhan i di ngolunta. Dr. Martin Luther mandok di Hata Haporseaon Ponggol Patoluhon:

Ahu porsea di Tondi Parbadia, jala adong sada Huria na badia, Huria hatopan ni halak Kristen angka na badia, dohot di hasesaan ni dosa dohot di Hata i na mandok: Mulak mangolu do sogot daging ni halak naung mate, dohot di hangoluan na so ra suda.

Dia do lapatan ni i:  Na diparhatutu rohangku do, na so tarbahen ahu porsea di Jesus Kristus Tuhanku manang mandapothon Ibana, ianggo tung sian roharohangku manang sian gogongku sandiri, na dijou Tondi Parbadia i do ahu marhite sian Barita Nauli, dilehon do asi ni rohaNa patiurhon rohangku, diparbadiai do rohangku jala dipatongtong do ahu dibagasan haporseaon na ture, tudos tu na binahenNa i nuaeng tu saluhut halak Kristen na di tano on; ai dijou do nasida jala dipapungu jala dipatiur do rohanasida jala diparbadiai jala dipatongtong do nasida di Tuhan Jesus dibagasan haporseaon na sasada i na tigor i. Angkup ni i buas do rohaNa manesa dosangku ganup ari, ro di dosa ni angka donganku na porsea; dung i pangoluonNa do ahu di ari parpudi ro di nasa na mate, dung i lehononNa do tu ahu dohot tu nasa na porsea di Tuhan Jesus hangoluan na so ra suda. I ma na tutu situtu.

Saonari  nungga be hita gabe ianakkoni Debata, warga harajaonni Debata. Lasma rohatta. Amen.

                                            

                                                                                Panurat;  Pdt. Jeprianto Marbun, S.Th

        Plt. Pendeta GKLI Resort Manduamas