Jamita Minggu XIV Dung Trinitatis
Evangelium : Markus 7 : 14 - 23
Pengantar : Di minggu XIV Dung Trinitatis sadari on, na gabe turpuk jamita di hita, ima taringot tu angka aturan manang na adat hajahudion maradophon angka pangajarion ni Jesus Kristus. Molo tapamanat do jamita di Minggu naung salpu, ro do angka bangso jahudi, siboto surat dohot Halak Parise manukhunhon tu Jesus, boasa di pangan angka sisean Nai roti ia so jolo marburi?. Saintongna ianggo halak Parise sai torus do mangalului hasalon maradophon Jesus Kristus, jala jumotjotan nama untangian nasida di angka poda ni oppuna si parjolo (adat jahudi) daripada tu angka Hata ni Jesus Kristus, jala namasa sahat tu nuaeng pe torop dope naung gabe Siihuthon Jesus Kristus alai sai jotjot dope untangian di angka poda naso marimpola. Jala torop dope hita na ramun di angka pangalaho, pingkiran nang rohanta.
Alani songon dia do asa gabe tau lomo ni roha ni Debata hita di ngolunta on. Jamita di ari sadari on paingothon tu hita marhite Thema ni Jamita ta namandok :Ta tangihon jala taparate-atehon ma saluhut hata ni Debata
Thema : Tatangihon jala taparate-atehon ma saluhut hata ni Debata
1. Asa unang gabe Ramun hita di adopan ni Debata
# Taringot tu haramunon (kenajisan) hombar tu adat ni hajahudion di totophon nasida do andorang so mangan nasida ingkon do jumolo marburi tanggan, jala molo pe tung manuhor angka sipanganon nasida sian onan ingkon do jumolo di uras nasida angka sipanganon i asa boi di allang nasida. Ido adat nasida jala na ingkon padalananon nasida do i. Sintong do sasintong na i molo di padalan nasida, lumobi ma tu angka kesehatan ingkon do jolo ias tangan asa tiopon na naeng sipanganon, jala ingkon do burion angka sipangnon andorang si dipangan. Alai molo tabereng do di turpuk jamita on di tentang Jesus do nasida bahwa, ndang apala angka poda si na ni aturhon ni jolma na umpenting sian poda ni Debata. Ndang poda na olo salpu i apala i na urringkot, jala di dok Jesus do ianggo taringot tu Haramunon “ndang apala angka sipanganon na masuk tu siubeon ta na mambahen hita ramun di adopan ni Debata” (Markus 7 : 14), alai molo so jaga hita di rohanta jala dang ture hita mamangke pingkiranta angka ido na gabe mambahen hita Ramun di adopan ni Debata (Markus 7 : 21). Ai sian pingkiran na kotor do tubu Dosa.
# Tajaga ma roha di bagasan hauneon, songon di Poda raja salomo (Amsal 4 : 23) didok do ingkon do jagaon roha ai sian ido mual ni saluhut angka na denggan.
# Tapaholang ma dirinta sian angka Pingkiran na Jahat isarana Parmainan, panangkoon, pamunuon, pangalangkupon, pangahution, hajahaton, pangansion, pargadombuson, panorgangon, panginsahion, ginjang dohot neang ni roha (Markus 7 : 21 – 22) ai angka ido na mambahen hita gabe Ramun/kotor di adopan ni Debata.
# Ndang Ramun hita di adopan ni Debata alani angka sipanganon (na masuk sian ruar tu bagasan siubeon ta) Markus 7 : 18, Alai molo so jaga hita di roha nang pingkiranta, gabe talehon dirinta on di pangke sibolis i marhite roha nang pingkiranta ido na mambahen hita gabe jolma na Ramun/Pardosa di adopan ni Debata, alani unang taoloi Sibolis na manggunturi roha nang pingkirranta.
# Saluhut angka na ramun di adopan ni Debata ndang tau parsidohot di harajaon naung pinarade ni Debata
# Tajaga ma kualitas ni hadirion ta sebagai halak na porsea ai sian ganup angka na manjaga rohana do na paholanghon diri sian haramuonon (Markus 7 : 23)
2. Asa gabe tau pasu pasu ngolunta siganup ari
# Asa gabe tau pasu pasu hita di ngolunta siganup ari, ingkon do tangi hita di hata ni Tuhan Debata, jala ingkon do taparate atehon manang na taulahon saluhut hata ni Debata asa tarpasu pasu hita jala gabe tau las ni roha ma nang di angka donganta jolma.
# Pohon yang baik akan berbuahkan buah yang baik dan yang sehat – Roha na denggan nasai torus di tuturi hata ni Debata sian ido ruar angka parbue na denggan ima angka Hata nauli na denggan laos songoni nang Holong (Lukas 6 : 45)
# Alani asa ngolunta siganup ari gabe tau pasu pasu, jala asa holang hita sian haramunon maradophon Debata, ingkon do radot hita mangulahon Hata ni Debata jala ingkon tangi hita di panggora ni Tondi Porbadia, asa gabe tau pasu pasu ngolunta, ai holan di angka na radot jala na tangi do tu Hata ni Debata na mangantusi mangulahon saluhut angka na denggan. Amen.
Tidak ada komentar:
Posting Komentar