Toho ma hita Marsihaholongan songon Jesus Kristus Parholong roha i Efesus 5 : 22 – 33 JAMITA SINGKAT PARTANGIANGAN KELUARGA

 

JAMITA SINGKAT PARTANGIANGAN KELUARGA

30 AGUSTUS 2024

Evangelium :  Efesus 5 : 22 – 33

Patujolo       : Di hita saluhut angka dongan sahaporseaon, sian padan na robi nunga di papatar Debata holong na tu hita ganup jolma, jumolo do di tompa Debata saluhut isi ni portibi on dung i pe asa di tompa jolma i tumiru rupa dohot pangalaho ni Debata. Tung mansai balga do holong ni Debata tu hita ganup jolma. Di na tinompa ni Debata si Adam ndang di loas Debata sahalak ni si adam punjun, alani do di tompa boru boru i, ima si hawa na gabe dongan saripe ni si Adam. Na marlapatan ma on, sian na jolo nunga be antus jala singkop holong ni Debata tu ganup jolma bahwa na ingkon do mardongan saripe (SOHOT). Alai sahat tu saonari, torop dope, jala sai godang dope namasa angka perselisihan, angka kekerasan dalam rumah tangga, bahkan angka perceraian di tonga tonga ni parsaripeon ni halak na karisten. Alani do borngin on di paingot Debata do hita marhite Thema ni Jamitanta na mandok : Toho ma hita marsihaholongan songon Jesus Kristus si parholong roha i.

 

Thema           : Toho ma hita Marsihaholongan songon Jesus Kristus Parholong roha i

1.     Songon dia do holong i ?

Angka dongan sahaporseaon, di turpuk jamita borngin on, di ondolhon Apostel Paulus do tu huria Efesus asa ingkon tarida holong di tonga tonga ni pardongan saripeon ni halak na porsea. Memang molo tabereng do namasa nuaeng, tung mansai jotjot do terjadi angka naso saroha di bagasan pardongan saripeon, godang do masa angka kekerasan dalam rumah tangga, jala sai olo dope tong habegean angka pelecehan pelecehan di tonga tonga ni angka naung mardongan saripe. Alani do molo manat tajaha jala ta antusi hata ni Debata di borngin on, tung sintong situtu do bahwa ganup angka naung pinadomu ni Debata naung sada do na dua i (Efesus 5 : 31), secara sederhana na marlapatan ma i, las roha ni ama i ingkon las do nang roha ni ina i, lungun roha ni ina i ingkon lungun do nang roha ni ama i, jala molo accit dihilala ama i ingkon do tong accit di hilala ina i jala ima sasintongna na didokna naung gabe SADA, sada di bagasan sitaonon nang sada di bagasan las ni roha.

 

Di bagian na parjolo SONGON DIA DO HOLONG I ?

Ia holong ni roha i sasintongna ima Jesus Kristus, ganup angka naso mian di bagasan Jesus Kristus, naso persea tu Debata dang di tanda i holong ni roha (1 Johanes 4 : 8). Alani do di pardongan saripeon ni halak Kristen, manang na di tonga tonga ni parkeluargaon ta ingkon do mian Jesus Kristus na Gabe Raja di tonga tonga ni Keluarganta, na gabe panutur nuturi roha nang pingkiran ni Ama dohot ina asa boi tarpatupa hita holong na mar_Suami, holong ma mar_Istri, jala holong na mar_Ianakhon. Jala hombar tusi di paingot Debata do hita bahwa ganup angka na porsea ndang boi holang sian Debata. Alani di hita saluhutna, di naung gabe sada Ama dohot ina i marhite pasu pasu na sian Debata ingkon do sapangkilalaan, saparsitaonon, saroha, jala sapingkiran di na mandalani ngolu siganup ari. Ianggo di na markeluarga (Mardongan saripe) sasintongna molo manatap do hita tu holong ni roha, ndang adong keluarga na lulus jala sempurna mangulahon holong ni roha. Jala lam matua hita sasintongna ingkon do lam martamba tamaba holong ni roha.

Di jamita ta di borngin on di dok hata ni Debata do bahwa ganup angka Parompuan (Ina) ingkon do marpangoloion maradophon angka amanta na be songon hita na marpangoloion tu Tuhan Jesus Kristus, jala ganup angka suami (Ama) ingkon do sai tongotong siganup tingki patuduhon holong maradophon angka istrina be songon Jesus Kristus na manghaholongi hita siganup tingki. Molo tingkos do on tapatupa pandohan ni Hata ni Debata di bornin on, ndang masa be angka istri na membabu di tonga tonga ni Keluarga, ndang masa be angka kekerasan di parkeluargaon, jala ndang masa be angka ama nasai olo holan mangarajai di tonga tonga ni keluarga, lumobi ma na mangulahon angka kekerasan dalam rumah tangga. Alani ingkon do manat hita di na markeluarga, ingkon do sai tongtong hita manatap tu Jesus Kristus si parholong roha i. jala ido ngolu ni angka na porsea ai di turpuk jamita saborngin on di dok do “songon ido ingkon hahaolongan ni Bawa angka istrina be”(Efesus 5 : 28) .

 

2.     Alani tapatuduhon ma holong ni roha I asa gabe pasu pasu hita saluhutna

Di hita saluhutna, saleleng di tano on dope hita, ingkon do masa angka arsak ni roha, parungkilon, parsalisihan, jala angka perbedaan pendapat di tonga tonga ni angka na markeluarga. Jala godang do dalan ni angka parungkilon i, adong ma na ro sian angka kebutuhan di keluarga naso tercukupi, adong ma i sian angka gelleng na maol leanon hata (maol aturon), jala adong ma i sian angka keluarga masing masing manang na sian angka tetangga ta be. Saluhut na i ingkon masa do i. Alai dison ma di paingot Debata hita bahwa ganup hita angka na porsea, ingkon do mampu pasaehon angka masalah, angka parungkilon di tonga tonga ni Keluarga ta be marhite holong na sian Debata. Molo sintong do holong ni roha i mian di tonga tonga ni keluarga, mambagi na otik nang na godang ingkon do mampu hita tanpa permasalahan, menyelesaihon angka permasalahan di tonga tonga ni keluarga pe ingkon do mampu hita pasaehon i tanpa adong angka paraccitan ni roha.

Dison ma sasintongna hataridaan ni ngolu ni angka na porsea, ngolu ni angka na marpos ni roha tu Debata ingkon do berbeda dohot angka naso tumanda Debata. Hita angka Ama ingkon do gabe tau pasu pasu, jala siboan dame di tonga tonga ni keluarga, jala angka parompuan pe di tonga tonga ni parkeluargaon ingkon do mampu patupahon holong ni roha di bagasan biar ni roha dohot untuk ni roha maradophon angka ama.

Alani marhite turpuk jamita ta on di paingot ma hita saluhutna, asa lam tapatarida ma Holong ni roha di tonga tonga ni keluarganta be. Ama dohot Ina naung manjalo pardongan saripeon, ingkon do gabe Sada songon Jesus Kristus na sada dohot Debata ama i. Jala pos do roha sian hasadaon ni roha i, ido na mangojar jala mangajari hita patupahon holong ni roha na sian Tuhan Debata tu angka ianakhonta be. Molo balga do holong ni roha di bereng angka ianakhon ta di tonga tonga ni keluarganta manang na di bagasta be, sintong Jesus Kristus i gabe panondang di tonga tonga ni keluarganta. Angka ianakhonta pe tontu gabe angka na marhabiran ma nasida maradophon Debata Jahowa nang songoni maradophon angka natua tuana.

Alani di pargogoi Tuhan Debata ma hita mangulahon pos ni Roha dohot holong ni roha di ngolunta ganup. Amen!.

 

 

_{Pdt. Ardianus Situmorang S.Th}