Jamita - Epistel Minggu Judika
Turpuk : Mazmur 126 : 1 – 6
Tema : “Tongtong ma sabam, Debata do mangapuli”
(Nunga sae dosam)
Patujo :
Saleleng di portibi on hita, sude do jolma ndang boi malua sian parungkilon, baik ma i parungkilon na gelleng nang parungkilon na balga. Di tingki mangadopi sitaonon na borat, olo do ro pandelean na mambahen putus asa, jala na mambahen ndang ta antusi laho mangulahon manang aha. On do namambahen godang na mambuat angka dalan na sala laho mangadopi angka sitaonon i, adong ma na mabuk mabuk an, mar_narkoba, bahkan olo do masa angka na bunu diri alani sitaonon na dokdok. Marhite hite barita Sosial media cetak dohot elektronik, lam meningkat do torop ni na bunuh diri alani angka sitaonon. Jala sasintongna di lain sisi hita pe ingkon do ta angkui bahwa godang do angka persoalan persoalan naso boi siat tu pingkiranta alai gabe ido di pangke Debata dalanna laho mamasu-masu jala manogu hita laho manjalo hasonangan di ngolunta.
Hatorangan Turpuk
Di panjahai on turpuk di hita, adong do sada barita hasusaan na ni adopan ni bangso Israel ima tingki di buang nasida tu negara Babel. Porsuk do sitaonon ni nasida di pembuangan i, alai boi do mulak nasida tu tano perjanjian i. Didok nasida do : “doshon halak na marnipi do hita” (ayat 1). Songon bangso Indonesia na di jajah Belanda lelangna 350 tahun jala nuaeng be merdeka hita, marlas ni roha do sandok bangso i. Par Psalmen mandok bahwa sude nai alani Panogu-nogu on ni Debata do i umbahen Mengkel...marolop-olop....marlasniroha. Alani sude denggan basa ni Debata na mansai balga tu hita (ayat 2-3).
Alai, di ayat 4 di patolhas do bahwa di tingki nasida haruar sian pembuangan jala sahat tu tano perjanjian , jumpa do muse nasida tu ‘sitaonon na imbaru’. Di pardalanan nasida mulak sian Babel tu Israel sasintongna pardalanan na dao do i jala dokdok. Jala dung sahat nasida di ‘bagas’ nasida, aha do na ni dapot nasida ?. hancur do sude angka bagas nasida i.
Jala ido sasingongna arti ni pardalanan ni ngolunta on : Mardalanan mamolus angka sitaonon manomu sitaonon huhut sai tongtong manjouhon goar ni Debata jala mangkirim : “Sai togihon ma mulak ; Debata mangapuli hami”.
Ayat 5-6 on do na gabe ondolan di hita asa tongtong rade mandalani parungkilon ni ngolu na ta adopi siganup ari. Didok angka na malo do “Di balik ni sude angka parungkilonta siganup ari, adong do hasonangan situjuonta”. Parungkilon na bagas di bagasan ni Tangiang ingkon do parohon angka pasu pasu na sian Debata ima angka perubahan hidup.
Refleksi : (sipahusor husoron)
Angka prinsip na boi tapangke laho mangulahon tema Jamita sadari on :
1. Adong tujuan dohot pangkirimon. Alo dohot tantangan ni putus asa ima tujuan dohot pangkirimon. Sude hita ingkon do memiliki tujuan hidup dohot pangkirimon di ngolunta ganup. Jala ido na umbahen hita margogo asa tongtong berjuang di tonga tonga ni angka parungkilon. Di tingki so adong tujuan hidup dohot pangkirimonta, ingkon do jumolo hita mamikkirhon jala maniop gomos aha do tujuan hidup jala sihirimonta. Tujuan dohot sihirimon ima na ro sian pingkiranta. Alani ta isi ma pingkiran ta on marhite angka hal hal na uli dohot angka na denggan. Tujuan ingkon do angka na denggan, na uli jala angka na balga sihirimonta. Ta pikkiri ma i. Unang sai tapingkiri angka kegagalan manang angka naso hinalomohon ni roha. Alai tamulai ma mamikkiri angka tujuan na denggan jala balga. Debata do haroro ni angka pingkiran na uli jala na denggan. Patoguma haporseaonta, ai marhuaso do Debata jala tuk do huasonai laho mangurupi hita manuju sude angka na sinangkapan ni rohanta. Debata namangolu do Ibana, na marhuaso jala naso olo manggabusi hita.
2. Marlasniroha ma hita mangadopi angka sitaonon marhite hite na tongtong gomos maniop Las ni roha na sian Debata. Sipata olo do sungkun sungkun di rohanta, songon dia do bahenon marlas ni roha di bagasan parungkilon ?. Las ni roha i, pilihanta do i, alani ingkon do dang boi di pengaruhi situasi dohot keadaanta. Lungun ni roha boi do masa, alai ingkon tapastihon do bahwa molo pe masa sitonon na borat, unang gabe mago tujuan dohot pangkirimon ta, urupan ni Debata do hita.
3. Mangulahon angka na denggan ima hukum na bersifat umum, hukum manabur – manggotil: aha na tasuan jala parbue ni ido si jaloonta. Siala ni i, molo mangkirim hita naeng manggotil, ingkon ma jumolo hita manaburhon angka na denggan. Ganup angka pangula na mangkirim laho manjalo parbue ni mangga ingkon do jumolo manuan biji mangga. Jala on do namasa di ngolunta si ganup ari. Molo mangkirim do hita ro angka na denggan, ro angka panogu noguon, manang na angka kesuksesan di ngolunta, sai jumolo ma hita manaburhon angka na denggan maradophon angka donganta jolma. Ingkon do jumolo hita olo mangurupi dung i hita pe urupan ni angka donganta ma.
4. Tongotong mar sabam ni roha, molo didok sabar berarti dang gabe holan sip manang na pasif. Alai tongtong sabar jala marpangkirimon tu Debata, tontong setia laho mangulahon lomo ni roha ni Debata, monongtong martangiang jala unang putus asa. Tongtong manabur manang na mangulahon angka na denggan nang pe ingkon marungkil, jala pasti do i du ujungna ingkhon do muse marlas ni roha, manapu saluhut angka naung tasuan/taulahon. Marsogot ingkon do ummuli sian sadari on.
Tidak ada komentar:
Posting Komentar