Minggu, 07 Juni 2026.
I Dung Trinitas.
Evangelium : Matius 9 : 9 - 13
Thema: Oloi ma Panjouon ni Tuhan i.
Adong do sada pandohan ni sahalak Pandita, didok "MOLO SUDE DO JOLMA SALAH DIBERENG HO, NUNGA PASTI HO NA SALAH".
Sai adong do jolma, holan marnida hahurangan ni halak, hape lupa ibana mamareso dirina.
Tutu do bakko ni jolma do malo marnida huhut menilai dongana jolma, alai ingkon mampu do muse mamereng na dengan na binahen ni halak.
Molo tabereng na masa di turpuk Jamita minggu sadarion, Panjouon ni Tuhan Jesus di si Mateus Sijalobeo i. Pangalaho ni angka Parise na Malo manguhumi. Taida Ndang holan Sijalobeo diuhumi angka Parise i, Tuhan Jesus sandiri pe dohot do diuhumi nasida, jala dianggap salah ala marsaor dohot angka pardosa dohot sijalobeo.
Di parsaoranta di siganup ari pe, godang dope tardapot songon angka halak Parise i. Na mangganggap dirina sandiri nabadia jala dang mardosa. Alai anggo dongganna jolma dianggap do sude pardosa. Na mandok sude ulaon ni halak salah, hape lupa ibana mamareso dirina.
Sijalobeo, sada profesi/Tugas na pinasahat ni Bangso Roma, laho papungu pajak (beo) di papungu sian halak Jahudi/Israel jala dipasahat ma tu bangsa Roma. Ido umbahen asa gabe Jolma pardosa situtu sijalobeo, dianggap Angka halak Parise, jala dianggap sebagai penghianat. Suangasongoni, di pangalaho ni si jalo beo na sai olo papungu angka pajak/beo, lobi sian naung ditontuhon hian.
Ro do Tuhan Jesus mandapothon sijalobeo, na margoar si Mateus. Dipillit jala di jou Tuhan Jesus do Ibana asa Gabe siseanNa. Jala didok Tuhan Jesus tu Ibana "Ihuthon ma Ahu!".
Jadi pintor hehe ma ibana mangihuthon Jesus.
Aha do na naing berengonta sian Panjouon ni Tuhan Jesus tu si Mateus sijalobeo i,
Na parjolo :
Dangadong na boi mangambat i Panjouon ni Tuhan i. Nang pe di dinilai halak angka jolma pardosa do sijalobeo, ala ni panjouon ni Tuhan i na mamillit jala manjou Ibana Gabe siseanNa.
Jala latar belakang ni hajolmao Nang kehidupan pe dang boi mangambati panjouon ni Tuhan i di ngolunta.
Napaduahon :
Di ihuthon si mateus do Tuhan Jesus. Jala dang adong marsidalian ibana. Tung marragam do cara dohot dalan ni Tuhan i laho manjou hita, marhite angka dongan, marhite Parhalado, marhite angka na masa dohot lan na asing. Alai jotjot do hita marsidalian.
Isarana:
Ditingki mamillit Parhalado manang sintua di gereja, sai adong do alasan: Pa Poso hu dope amang. Hape molo dung marumur, dibaen ma sidalianna, Dang huida be surat amang. Na deba mandok, na asing Majo amang.
Napatoluhon:
Unang manguhumi.
Siala di ida Angka Parise didapothon Tuhan Jesus angka Pardosa dohot sijalobeo, gabe diuhumi angka Parise i ma Tuhan Jesus, ala ni parsaoran ni Tuhan Jesus dohot angka pardosa suangasongoni Nang sijalobeo. Sifat manang pangalaho ni angka Parise on, boi do tardapot nang di hita. Ima angka pangalaho na sai olo manguhumi dongan jolma.
Napaopathon:
Alani di alusi Tuhan Jesus ma nasida: "Apala ringkot di angka na hisar pandaoni, di angka na marsahit do!".
Buku Ende No. 174. Didok : Pardosa ho didok roham
Na so tama be dohot?
Ndang pola ala ni dosam
Umbaen na sundat bongot
Ai nunga sae do dosami
Digarar Tuhan Jesus i..
.........
Sasintongna, Dangadong jolma na ias sian dosa. Jala sude hita na di Gereja on, jolma na gok dosa do hita, ai ganup Ari ganup tingki do Hita madabu tu bagasan dosa. Angka jolma naso olo marminggu, jolma na so Kristen pe, sude do pardosa Godang.
Holan on, adong do Hasurunganta, OLO HITA Mmangakkui dirinta jolma pardosa, jala manongtong Hita mangihuthon Tuhan i naung manesa dosanta.
Alani i, Marhite Jamita di Minggu sadarion, Dipangkulingi do hita, mandok: "Ihuthon ma ahu".
Dosam, latar belakang, Pergumulan ni ngolum, manang aha pe i, Dang pangambati Jou jou ni Tuhan i di ngolum.
Sialani, pelehon ma dirimu tu Debata, asa Sintong pangihuthonon mu di JESUS Kristus Tuhan i .
Amen.
Tidak ada komentar:
Posting Komentar