Selamat pagi - Semangat pagi
Kolosse 3:8-13
Alai anggo nuaeng, bolongkon hamu ma saluhutna i: Rimas, muruk, hajahaton, panginsahion hata barangsi sian pamanganmuna!
Unang ma masigabusan hamu, ai nunga ditanggal hamu jolma na buruk i rap dohot angka parulaonna, jala nunga disolukkon hamu na imbaru i, na pinaimbaru, asa tandaonna rupa ni na tumompa ibana. Ndang mardiaimbar disi Junani manang Jahudi, na marsunat manang na so marsunat, bangso na leban manang bangso na so maju dope, hatoban manang anak mata; Kristus i do tahe saluhutna jala di bagasan saluhutna. Onpe, hamu angka naung pinillit ni Debata, angka na badia jala hinaholongan, solukkon hamu ma parasirohaon situtu, habasaron, haserepon, lambok dohot lambas ni roha! Masipauneunean jala masisesaan dosa ma hamu, jumpa marpangkurangi na sada dompak donganna; songon panesa ni Kristus di hamu, songon i ma nang hamu!
KONFESSI AUSBURGH
ARTIKEL VI
TARINGOT TU PANGOLOION NA IMBARU
Dipodahon do huhut, ia haporseaon i ingkon marparbuehon parbue na denggan do, ala ni i porlu do patupa angka ulaon na denggan na pinatikkon ni Debata ala i do lomo ni roha ni Debata; alai ndang jadi marpangunsandean hita tu angka ulaon i laho mangomo hatigoran di adopan ni Debata. Alana haporseaon i do manjalo hasesaan ni dosa songon na niondolhon ni Kristus; Molo dung sun diula hamu saluhutna i dok hamu ma: naposo na so hasea do hami (Luk 17:10).
Laos i do huhut dipodahon angka Ama ni huria i, alana didok si Amborosius do: Diaturhon Debata do, na malua manang ise na porsea di Kristus, buas do dijalo hasesaan ni dosa so marhite pangulaon alai marhitehite haporseaon sambing.
Sai di ramoti Tuhan Debata ma hita, di patiur jala di pargogoi mangulahon angka na denggan ari sadari on 😊😊
Tidak ada komentar:
Posting Komentar